Տպել
Մինչև 2021 թվականը Թուրքիան մտադիր Է միանալ ավտոմեքենաներ արտադրող երկրներին թվին, ընդ որում՝ նա դա պատրաստվում Է անել սեփական արտադրության միանգամից հինգ տարբեր մոդելների պատրաստման ճանապարհով: Այդ պլանների մասին, ինչպես տեղեկացնում Է Anadolu-ն, հայտարարել Է հանրապետության գիտության, արդյունաբերության և տեխնոլոգիաների նախարար Ֆարուք Օզլյուն:
«Սկզբնապես արտադրական հզորությունները նախատեսված կլինեն 200 հազար ավտոմեքենայի թողարկման համար: Պլանավորվում Է պատրաստել ավտոմեքենաների հինգ մոդել, ընդ որում՝ խոսքը Էլեկտրամոբիլների մասին Է, ինչպես որ դա պլանավորվում Էր ի սկզբանե»,-ընդգծել Է նա:
Մեկնաբանելով այս նախագծի իրագործման հանրապետության պլանները՝ նախարարության ղեկավարը նաև պատմել Է, որ «ավտոմեքենաները նախատեսված են միջին և բարձր եկամուտներ ունեցող քաղաքացիների համար»: «Դրանք լյուքս դասի ավտոմեքենաներ չեն լինի, մենք ակնկալում ենք թողարկել C և B դասի ավտոմեքենաներ: Ընդ որում՝ ավտոմեքենաները որակով կգերազանցեն արտասահմանյան նմանօրինակներին, ինչպես նաև առնվազն 5 տոկոսով ավելի Էժան կլինեն»,-նշել Է նա:
Օզլյուի խոսքով՝ երկարաժամկետ հեռանկարում թուրքական ավտոմեքենայի ստեղծման նախագիծը գանձարանին կբերի առնվազն 50 մլրդ եվրո: «Այս նախագիծը նաև կնպաստի 4 հազար մասնագետների աշխատանքի տեղավորմանը, դրա շրջանակներում կբացվի մինչև 20 հազար աշխատատեղ»,-հայտնել Է նախարարը, հաղորդել Է ՏԱՍՍ գործակալությունը:
