Տպել
Ավելորդ քաշի դեմ պայքարում մարդիկ փորձում են տարբեր դիետաներ, սակայն խնդիրն այն է, որ դրանք սովորաբար բավական երկարատև ու հոգնեցուցիչ են լինում, մինչդեռ երբեմն լինում են դեպքեր, երբ հարկավոր է լինում շատ կարճ ժամանակահատվածում ազատվել զգալի ավելորդ քաշից: Նման դեպքերում օգնության են հասնում բեռնաթափման օրերը, որոնք թույլ են տալիս ոչ միայն ազատվել մի քանի կիլոգրամ ավելորդ քաշից, այլև մաքրում են աղիներն ու դուրս են բերում ավելորդ տոքսիններն օրգանիզմից:
Ձեր ուշադրությանն ենք ներկայացնում բեռնաթափման օրվա մի քանի տարբերակ, որոնք շատ պարզ են, սակայն անչափ արդյունավետ:
· Շոկոլադով բեռնաթափման օր
Շակոլադով բեռնաթափման օր անցկացնելիս հարկավոր է 80 գրամ շոկոլադը բաժանել մի քանի մասի և ուտել օրվա ընթացքում: Այս օրը կարելի է խմել նաև առանց շաքարավազի սուրճ կամ թեյ, սակայն միայն շոկոլադն ուտելուց առնվազն 3 ժամ հետո:
Սակայն հարկ է հիշել, որ նման բեռնաթափման օրեր կարելի է անցկացնել շաբաթական մեկ անգամ:
· Վարունգով բեռնաթափման օր
Վարուգով բեռնաթափման օրը համարվում է ամենաարդյունավետներից մեկը, քանի որ այն ունի շատցածր կալորիականություն և պարունակում է նյութ, որը նպաստում է քաշի նվազմանը: Այս օրվա ընթացքում հարկավոր է խմել 2 բաժակ կեֆիր և ուտել 1.5-2 կգ թարմ վարունգ: Այս ամենը հարկավոր է բաժանել 5-6 մասի և ուտել օրվա ընթացքում:
· Կեֆիրով բեռնաթափման օր
Կեֆիրով բեռնաթափման օրը շատ օգտակար է ոչ միայն կազմվածքի, այլև առողջական վիճակի համար, քանի որ այն բարելավում է աղիների միկրոֆլորան , կանխարգելում է կարիեսի առաջացումը և նվազեցնում է կրծքագեղձի քաղցկեղի առաջացման հավանականությունը: Այս կերպ բեռնաթափման օր անցկացնելու դեպքում հարկավոր է օրվա ընթացքում խմել 1-1.5 լիտր կեֆիր՝ բաժանելով այն 5-6 մասի: Քանի որ կեֆիրն արդեն իսկ հեղուկ է, ապա այս օրը կարելի չխմել մեծ քանակությամբ ջուր, քանի որ բավական կլինի ընդամենը 0.5 լիտր չգազավորված հանքային ջուրը:
· խնձորով բեռնաթափման օր
Օրգանիզմը մաքրելու և ավելորդ քաշից ազատվելու համար հիանալի տարբերակ է նաև խնձորով բեռնաթափման օրը: Խնձորը ոչ միայն հարստացնում է օրգանիզմը երկաթով ու վիտամիններով, այլև նպաստում է վատ խոլեստերինի մակարդակի նվազմանն ու ունենում է հակաքաղցկեղային ազդեցություն: Խնձորով բեռնաթափման օր անելու համար պարզապես հարկավոր է օրվա ընթացքում ուտել 1.5 կգ խնձոր (ոչ քաղցր տեսակների) ևչմոռանալ խմել առնվազն 1.5 լիտր մաքուր, չգազավորված ջուր:
· Ձկով բեռնաթափման օր
Ձկով բեռնաթափման օր անցկացնելիս կարելի է օրվա ընթացքում ուտել 5 անգամ՝ ամեն անգամ ուտելով 100 գրամ խաշած ձկան փափկամիս (անյուղ և առանց աղի) և 100 գրամ թարմ բանջարեղեն: Բացի այդ, օրվա ընթացքում կարելի է խմել մինչև 2 բաժակ թեյ կամ սուրճ (առանց շաքարավազի): Նման բեռնաթափման օրեր կարելի է անցկացնել շաբաթական 1-2 անգամ:
