Ախորժալի և անուշաբույր խոզի միս՝ սոխով և սնկով

Բաղադրիչներ

1. Խոզի անյուղ միս – 600 գ
2. Սունկ – 300 գ
3. Սոխ – 0.5 հատ
4. Կծու պղպեղ
5. Կանաչի
6. Աղ և այլ համեմունքներ

Պատրաստման եղանակը

1. Խոզի միսը կտրատել չափաբաժիների, աղ և պղպեղ, ըստ ցանկության՝ համեմունքներ ցանել և թողնել՝ մարինացվի մոտ 5-7 րոպե:
2. Շամպինիոնը խոշոր կտորների բաժանել, սոխը կիսալուսնաձև կտրատել:
3. Խոզի միսը տապակել բուսայուղով: Պատրաստի միսը շարել անձեռոցիկի վրա:
4. Նույն տապակի մեջ տապակել սոխը և մի քանի կտոր կծու կարմիր պղպեղ:
5. Շարել մսի վրա:
6. Նույն տապակի մեջ շատ արագ տապակել շամպինիոնը (բառացիորեն 5 րոպե) և պատրաստի սունկը շարել սոխի վրա, թարմ կանաչի ավելացնել և մատուցել թարմ բանջարեղենի հետ:

Պատրաստեց Անի Գաբուզյանը