Տպել
Աստղերը հանուն ֆիլմում դերերի հաճախ ստիպված են նիհարել, նրանցից շատերը դրա համար միջոցներ են օգտագործում, որոնք առողջության համար ամենևին անվտանգ չեն:
Ներկայացնում ենք ամենախելահեղ սննդակարգերը, որոնց հետևել են արևմտյան աստղերը, և որոնցից հարկ է հեռու մնալ, եթե ցանկանում եք ձեր առողջությունը պահպանել:
Մեթյու Մաքկոնահի
Մեթյու Մաքկոնահին ստիպված էր չափից ավելի նիհարել հանուն «Գնորդների դալասյան ակումբ» ֆիլմում ՁԻԱՀ-ով հիվանդի դերակատարման: Ընդամենը 2 շաբաթում նա նիհարեց 20 կգ-ով: Ինչպե՞ս: Ամենաանառողջ կերպով՝ նա պարզապես քաղցած էր մնում: Իրեն թույլ էր տալիս ուտել միան ձկան ու բանջարեղենի փոքր չափաբաժիններ և մեծ քանակությամբ թեյ էր խմում: Հայտնի չէ, թե նրա առողջության վրա դա ինչպես է ազդել:
Էնն Հեթեուեյ
Էնն Հեթեուեյը արտակարգ նիհարեց հանուն «Թշվառները» ֆիլմում Ֆանտինայի դերի: Նա օրական գործածում էր ընդամենը 500 կալորիա, ինչի շնորհիվ ընդամենը 15 օրում 10 կգ-ով նիհարեց: Նրա սննդակարգի հիմքում ընդամենը 2 խնձոր էր և փոքր քանակությամբ սպիտակուցներ: Էննի բախտը բերել է, եթե այդ ընթացքում առողջական լուրջ խնդիրներ ձեռք չի բերել:
Էշթոն Քաթչեր
Էշթոն Քաթչերը մտել էր Սթիվ Ջոբսի դերի մեջ, ուստի հետևում էր նույնիսկ նրա սնվելու ֆուտորիանական սկզբունքին. ուտում էր միայն մրգեր, ընկույզ և սերմեր: Սակայն այս ամենն առանց հետք թողնելու չանցավ. դերասանի մոտ ենթաստամոքսային գեղձի խնդիրներ են առաջացել, ու նա նույնիսկ ստիպված էր հիվանդանոցում բուժվել:
Քիմ Քարդաշյան
Քիմ Քարդաշյանն արդեն բազմիցս խիստ սննդակարգի է հետևել: Բայց նրա ամենասիրելի սննդակարգը հատապտղայինն է. նախաճաշին և ճաշին նա միայն ելակ է ուտում, իսկ ձեռքի հետ ելակի սմուզի է խմում: Նման սննդակարգը բարձր թթվայնության պատճառով վնասակար է ատամների և ստամոքսի համար, իսկ օրգանիզմը չի ստանում անհրաժեշտ սպիտակուցներ և ճարպեր:
Բեյոնսե
Բեյոնսեն մեկ ամսում նիհարել է հանուն «Երազանքի աղջիկը» ֆիլմում դերի: Նրան կտրականապես արգելվում էր ուտել, իսկ խմել կարող էր որքան ցանկանար: Երգչուհին և դերասանուհին ամեն օր խմում էր 1,5 լիտր հատուկ լիմոնադ, որի բաղադրության մեջ էին մտնում թխկու օշարակ, մեղր, կայենյան պղպեղ, կիտրոնի հյութ:
Այսպիսի «սնունդը» առողջության համար շատ վտանգավոր է, քանի որ օրգանիզմը չի ստանում սպիտակուցներ, ճարպեր և բջջանյութ: Դրանից բացի, լավ մարսողության համար հարկավոր է ծամել, ինչը «հեղուկ» սննդակարգերի դեպքում մարդիկ չեն անում:
Վիկտորյա Բեքհեմ
Վիկտորյա Բեքհեմը դստեր ծնվելուց հետո մտահղացավ «հինգ կույտի» սննդակարգը. Վիկտորյան օրվա ընթացքում ուտում է տարբեր մթերքների հինգ կույտ: Նա սննդակարգից բացառել էր նաև շաքարն ու աղը, սակայն երբեմն ծխահարված սաղմոն է համտեսում, ծովախեցգետին, չիլի կամ ընկույզ:
Սա, իհարկե, աշխարհում ամենավատ սննդակարգը չէ, սակայն եթե հանկարծ որոշեք դրան հետևել, հիշեք՝ եթե ձեր օրգանիզմը չստանա բավարար քանակությամբ կալորիաներ, նյութափոխանակությունը կդանդաղի, իսկ օրգանզմը կսկսի պաշարել յուրաքանչյուր ավելորդ կալորիան:
