Ահա ինչ կստացվի, եթե հարած սպիտակուցն իջեցնենք եռացող կաթի մեջ. շատ հետաքրքիր աղանդեր

Այս հիանալի աղանդերը խորհուրդ է տրվում մատուցել սառը վիճակում: Այն վստահորեն դուր կգա ամենախստապահանջ համադամասերին:

Աղանդեր ձվից
Բաղադրիչները

Ձու – 3 հատ

Աղ – 1 պտղունց

Շաքարի փոշի – 20 գ

Կաթ – 150 մլ

Սերուցք – 150 մլ

Շաքարավազ – 40 գ

Վանիլին – 1 պտղունց

Պատրաստման եղանակը

Հարել ձվի սպիտակուցները 1 պտղունց աղի հետ, աստիճանաբար ավելացնել շաքարի փոշին: Հարել մինչև պնդանալը: Կաթը խառնել սերուցքի, շաքարավազի և վանիլինի հետ: Եռացնել:

Ճաշի գդալով հարած սպիտակուցը զգուշությամբ իջեցնել եռացող կաթնային խառնուրդի մեջ: Ամեն կողմից եփել 2 րոպե:

Կաթի մեջ եփված սպիտակուցները դնել քամիչի մեջ: Թողնել, որ կաթնային զանգվածը սառչի մինչև 60 աստիճան:

Ձվի դեղնուցները դարձնել կրեմ, բարակ շիթով ավելացնել տաք կաթնային խառնուրդը և անընդհատ խառնել: Տաքացնել խառնուրդը թույլ կրակի վրա մինչև պնդանալը:

Ստացված կրեմը լցնել բաժակների մեջ, թողնել սառչի: Վրան դնել սառեցրած սպիտակուցները: Աղանդերի վրա կարելի է ցանել կակաո, դարչին, կարելի է մատուցել խտացրած կաթով և հատապտղի մուրաբայով:

Պատրաստեց Անի Գաբուզյանը