Տպել
Սպորտով զբաղվելն, իհարկե, օգնում է նիհարել, սակայն կան մարդիկ, որոնց դա այս կամ այն պատճառով հակացուցված է։ Կարելի՞ է արդյոք նիհարել առանց սպորտի։ Կարելի է, եթե հետևեք այս հասարակ խորհուրդներին․
Ավելի շատ սպիտակուցներ սննդակարգում
Սպիտակուցը շատ կարևոր է ոսկորների առողջությունը պահպանելու համար, բացի այդ, այն օգնում է ավելորդ քաշի դեմ պայքարում։ Եթե ձեր սննդակարգում շատ սպիտակուցներ կան, դուք ավելի քիչ սովի զգացում կունենաք, և դա կօգնի ազատվել ավելորդ քաշից։
Ոչ մի քաղցր ըմպելիք
Քաղցր ըմպելիքը ամենավատ բանն է, որ կարող է լինել սննդակարգում։ Էներգետիկները, գազավորված ըմպելիքները, նույնիսկ «բնական» հյութերը իրենցից ներկայացնում են միայն ավելորդ կալորիաներ և ոչինչ ավելին։ Եթե ուզում եք նիհարել, մի խմեք քաղցր ըմպելիքներ, խմեք ջուր, թեյ, սուրճ՝ առանց շաքարի։
Զբոսանքներ
Եթե դուք չեք ուզում կամ չեք կարող զբաղվել սպորտով, գոնե զբոսնեք որքան հնարավոր է հաճախ։ Վերելակից օգտվելու փոխարեն ոտքով բարձրացեք։ Եթե որևէ տեղ կարելի է ոտքով գնալ, մի օգտվեք տրանսպորտից կամ ավտոմեքենայից։
Ոչ մի սթրես
Սթրեսը լավ կազմվածքի թշնամին է։ Փորձեք լինել հանգիստ և անպայման լավ քնեք։
