Տպել
Ամենօրյա որոշ սովորություններ բացասաբար են ազդում ինտիմ կյանքի որակի վրա:
Ծխելը
Ցուցակի առաջին տեղում ծխելն է: Դրա հետևանքով վնասվում են անոթները, խախտվում է սեռական օրգանների արնամատակարարումը, մեծանում է էրեկտիլ դիսֆունկցիան:
Ավելին, ծխելը կարող է անպտղության հանգեցնել ինչպես տղամարդկանց, այնպես էլ կանանց մոտ:
Քաղցր, ճարպոտ, աղի ուտելիքները
Սննդակարգում քաղցր, ճարպոտ, աղի ուտելիքների ավելցուկը ևս բացասաբար է ազդում լիբիդոյի վրա: Իսկ սննդակարգում ռաֆինացված ածխաջրերի ավելցուկը նվազեցնում է տեստոստերոնի մակարդակը՝ հորմոն, որը պատասխանատու է սեռական ակտիվության համար:
Բացի այդ, տրանսճարպերը բացասաբար են ազդում երկու սեռերի ներկայացուցիչների լիբիդոյի վրա, գրում է RG –ը:
Մրգերի և բանջարեղենի պակասը
Սննդակարգում մրգերի և բանջարեղենի պակասը ևս մեկ գործոն է, որն ազդում է ինտիմ կյանքի որակի վրա: Մրգերի և բանջարեղենի մշտական օգտագործումը թույլ է տալիս պահպանել լավ ֆիզիկական կազմվածք և օրգանիզմին դրա նորմալ գործունեության համար անհրաժեշտ վիտամիններ և հանքանյութեր է տալիս:
Նստակյաց կյանքը
Նստակյաց կյանքն ու քիչ շարժվելը վատացնում են արյան շրջանառությունը, ինչը, բնականաբար, բացասաբար է ազդում էրեկտիլ ֆունկցիայի վրա: Եվ, հակառակը, սպորտով զբաղվելը դրական է ազդում սեռական կյանքի վրա, քանի որ լավացնում է արյան շրջանառությունն ու ամրապնդում է սրտանոթային համակարգը:
