Տպել
Արագ նիհարելու համար հաճախ օգտագործում են կիտրոնով ու կոճապղպեղով ըմպելիքներ։ Արեւելյան հիանալի արմատի շնորհիվ նրանք կարճ ժամանակում կօգնեն ազատվել ձանձրալի ավելորդ քաշից՝ առանց սննդային սահմանափակումների։
Բայց, ցավոք, իր ողջ օգտակարությամբ հանդերձ, այն ունի մի շարք հակացուցումներ։ Մարդիկ, որոնք հաճախ են ալերգիա ունենում, կամ ստամոքսի հետ կապված որոշ խնդիրներ ունեն, հղիներն ու կերակրող մայրերն այդ մթերքից զգուշավորությամբ պետք է օգտվեն։ Այդ պատճառով նախքան նիհարել սկսելը անհրաժեշտ է խորհրդակցել բժշկի հետ։ Ցանկալի է նաեւ կարդալ այն մարդկանց արձագանքներն, ովքեր արդեն նիհարել են այդ միջոցով։
Կոճապղպեղով ու կիտրոնով ըմպելիքի բաղադրատոմս
Այս հրաշալի արմատից ըմպելիքը պատրաստվում է շատ պարզ։ Անհրաժեշտ է այն մաքրել, քերել ամենամանր քերիչով։ Այնուհետեւ մեկ լիքը ճաշի գդալ կոճապղպեղը եւ կեղեւով բարակ կտրատած մեկ կիտրոնը դնել թերմոսի մեջ, լցնել 2-3 լիտր եռացրած ջուր եւ թողնել ողջ գիշեր։ Առավոտյան քամել եւ խմել ամեն ուտելուց մեկ ժամ առաջ մեկ բաժակ։ Եթե այրոց է սկսվում, ապա խմել ուտելու ընթացքում։
Կարելի է ըմպելիք պատրաստել կոճապղպեղի փոշուց, որը վաճառվում է դեղատներում։ Անհրաժեշտ է վերցնել մեկ ճաշի գդալ կոճապղպեղի փոշի, կիտրոնի մի քանի կտոր եւ լցնել երկեւ բաժակ եռացրած, բայց ոչ շատ տաք ջուր։ Ապա փակել սրբիչով եւ թրմել ոչ պակաս, քան 10 րոպե։ Խմել օրվա ընթացքում՝ կես բաժակով։
Ձմռանն այսպիսի ըմպելիքը ջերմացնում է, իսկ տաք եղանակին՝ սառեցված տեսքով հիանալի հագեցնում է ծարավը եւ նվազեցնում քաղցի զգացողությունը։ Այն կարելի է ներառել ճաշացանկում՝ կոմպոտի կամ հյութի փոխարեն։
