Տպել
Կանաչ թեյի պարբերաբար գործածումը թույլ է տալիս նվազեցնել մարդու քաշը և մարմնի զանգվածի ինդեքսը (ՄԶԻ): Այս մասին նշված է նոր հետազոտության մեջ, որը հրապարակվել է Phytotherapy Research ամսագրում:
Իհարկե, չեն նկատվել կանաչ թեյի գործածման հետ կապված իրանի ծավալի հատուկ փոփոխություններ (որովայնային ճարպային շերտերի կուտակման ցուցանիշ):
Հետազոտողները վերլուծել են 1344 պացիենտների մասնակցությամբ 26 փորձերի արդյունքները, հայտնում է Eurek Alert-ը: Պարզվել է, որ մարմնի քաշը և ՄԶԻ-ն փոխվել են այն դեպքում, եթե կանաչ թեյը գործածվել է 12 շաբաթից ավելի և օրական 800 միլիգրամից ոչ պակաս չափաքանակով:
Հետազոտողների մեկ այլ խումբ ներկայացրել է ճարպերն այրող ունիվերսալ մթերքների ցուցակը:
Առաջին տեղում է հայտնվել արտիշոկը, որը հայտնի է սննդային մանրաթելերի և հակաօքսիդանտների մեծ պարունակությամբ, ինչպես նաև լեղիի արտադրման ակտիվացման և խոլեստերինի մակարդակի կարգավորման հատկությամբ: Դրանից բացի, արտիշոկն ունի միզամուղ արդյունք, ինչի շնորհիվ օգնում է այտուցների դեմ պայքարին:
Երկրորդ տեղում է թուրինջը, որը հայտնի է ցածր կալորիականությամբ: Սննդաբանները թուրինջը խորհուրդ են տալիս նրանց, ովքեր ցանկանում են խուսափել չափից ավելի ուտելուց: Դրանից բացի, հետազոտությունները ցույց են տվել, որ թուրինջը կարող է կլարգավորել արյան մեջ շաքարի մակարդակը: Կաթնային շիճուկն իր հերթին նյութափոխանակության արագացման և մկանային զանգվածի մեծացման հրաշալի միջոց է:
Ցանկում 4-րդ տեղում է կանաչ թեյը: Սա, թերևս, աշխարհում ամենաօգտակար ըմպելիքն է: Մասնագետների խոսքով՝ այն ցուցված է լյարդի առողջության պահպանման համար:
Վերջապես՝ 5-րդ տեղում է կայենյան պղպեղը, որը կարող է մաքրել անոթները և խթանել արյան շրջանառությունը:
