Տպել
Ինչպե՞ս ճիշտ սնվել` չհրաժարվելով սիրված կերակուրներից եւ չտանջվել կալորիաներ հաշվելով: Սննդաբան Քերի Մեյջորը (Մեծ Բրիտանիա) Instagram-ում կիսվել է օգտակար խորհուրդներով:
Մասնագետի խոսքով՝ սնունդը կարելի է բաժանել հինգ հիմնական խմբի. բարդ ածխաջրեր, սպիտակուցներ, մրգեր եւ բանջարեղեն, կաթնամթերք, ճարպեր եւ յուղ: Ձեր սնունդը բարելավելու համար բավական է ամեն օր ուտել բոլոր հինգ խմբի մթերքները, ընդ որում` ճիշտ այնքան, որքան պահանջվում է:
Ըստ սննդաբանի, բարդ ածխաջրերով հարուստ սննդի մեկ բաժնի չափը որոշելը շատ պարզ է. դրա ծավալը պետք է համեմատելի լինի բռունցքի չափի հետ: Նույն կանոնը վերաբերում է սպիտակուցներով հարուստ սննդին: Ակտիվ կենսակերպի դեպքում բաժինը կարելի է փոքր-ինչ ավելացվել:
Բանջարեղենի մեկ բաժինը մի քանի բուռ է կամ մեկ ափսեի մեկ երրորդը, իսկ մեկ բաժին մրգի միջին չափափաժինը մոտ 80 գրամն է: Ամեն օր, ըստ մասնագետի, հարկավոր է ուտել հինգ բաժին միրգ կամ բանջարեղեն, գերադասելի է` տարբեր:
Ըստ Մեյջորի` ճարպի կամ յուղի մի բաժինը ձեռքի բութ մատի չափ է: Կաթնամթերքը կարող է ներառված չլինել յուրաքանչյուր ուտեստի մեջ, բայց օրական երկու-երեք բաժին, այնուամենայնիվ, պետք է ուտել: Չափաբաժինը կախված է կոնկրետ մթերքից:
