Տպել
Առանց սպորտի եւ դիետաների նիհարելու համար հարկավոր է առաջին հերթին լավ քնել, հավաստիացնում է սննդաբան Տատյանա Ռազումովսկայան (Ռուսաստան)։
«Կիսատ քունը, եթե պարբերական է, նվազեցնում է ախորժակը փակող լեպտին հորմոնի մակարդակը։ Փոխարենը ավելանում է այնպիսի հորմոնների քանակությունը, ինչպիսին են գրելինը եւ կորտիզոլը, որոնք սաստկացնում են քաղցը»,- ասել է նա ՌԻԱ «Նովոստի»-ի հետ զրույցում։
Նրա խոսքով՝ կորտիզոլի ավելցուկը հանգեցնում է, մասնավորապես, չափից շատ ուտելու եւ փորի շրջանի ճարպի ավելացման։
Սննդաբանը նաեւ խորհուրդ է տվել ամենօրյա կերակրացանկում ներառել 20-40 գրամ բջջանյութ։ Նա նշել է, որ սննդային մանրաթելերը կարգավորում են խոլեստերինի եւ շաքարի մակարդակը եւ դրականորեն են անդրադառնում աղիների վրա ու ազատում քաղցի զգացողությունից։
Մասնագետը նաեւ խորհուրդ է տալիս նիհարելու համար կերակրացանկում ներառել սպիտակուց՝ 1,2-1,5 գրամ մեկ կիլոգրամ քաշի համար։
Սպիտակուցի մարսումը երկար պրոցես է. դուք ձեզ ավելի երկար կուշտ կզգաք։ Սպիտակուցի յուրացման վրա օրգանիզմը ծախսում է ավելի շատ կալորիաներ, քան ածխաջրերի»,- ասել է նա։
