Իսրայելական «Շակշուկա». հանրահայտ լոլիկով ձվածեղի բաղադրատոմսը

«Շակշուկան» ուտեստ է ձվով, կծու պղպեղով, համեմունքներով, որը տապակում են լոլիկի սոուսում: Մատուցվում է սպիտակ կամ սև հացով:

Էներգետիկ արժեքը 1 չափաբաժնում

Կալորիականությունը – 393 կկալ

Սպիտակուցներ – 20 գ

Ճարպեր – 29.2 գ

Ածխաջրեր – 11.4 գ

Բաղադրիչներ

Սոխ – 1 գլուխ

Սխտոր – 4 պճեղ

Պղպեղ չիլի – 1 հատ

Ձիթապտղի յուղ – 50 մլ

Խնկածաղիկ – 1 պտղունց

Զիրա – 1 պտղունց

Լոլիկ՝ սեփական հյութում – 400 գ

Լոլիկի հյութ – 100 մլ

Ձու – 8 հատ

Համեմ – 10 գ

Մաղադանոս – 10 գ

Ֆետա պանիր – 50 գ

Աղ – ըստ ճաշակի

Աղացած սև պղպեղ – ըստ ճաշակի

Պատրաստման եղանակը

Մանր կտրատել սոխը, սխտորը և չիլի պղպեղը: Ձիթապտղի յուղի մեջ տապակել: Կարելի է մի պտղունց շաքարավազ ավելացնել՝ բանջարեղենը կարամելացնելու համար: Ավելացնել մի պտղունց խնկածաղիկ, մի փոքր զիրա և տապակել սոխը՝ սխտորի և չիլիի հետ այնքան, մինչև դրանք սկսեն «լաց լինել», կամ, ինչպես ասում են ֆրանսիացիները, «քրտնել»: Շատ տապակել պետք չէ:

Հիմա պետք է լցնել կոնսերվացված լոլիկի սոուսը և տապակել սոխի և մնացածի հետ՝ խառնելով մոտ 1 րոպե: Ավելացնել լոլիկի հյութ, որպեսզի սոուսը դառնա բավականին ջրիկ, և եփել 1-2 րոպե:

Ավելացնել աղը, սև կամ սպիտակ աղացած պղպեղը և մաղադանոսը: Սոուսի մեջ զգուշությամբ կոտրել ձվերը: Ավելացնել ֆետայի կտորները: Կրակը թավայի տակ կարելի է հասցնել մինիմումի: Իսկ հետո ընդհանրապես թավան ուղարկել ջեռոցի մեջ 3 րոպեով: Ձվերը պետք է պահպանեն իրենց դեղնուցները բավականին թույլ վիճակում:

Վերջում ձվածեղի վրա անհրաժեշտ է լցնել մաղադանոս և համեմ:

«Շակշուկան» կարող եք մատուցել սուրճի հետ միասին:

Պատրաստեց Անի Գաբուզյանը