Տպել
Եթե առաջացել են խնդիրներ վարսերի հետ՝ չորություն, փխրունություն, մի շտապեք փոխել Ձեր սովորական խնամքը, փոխարենը ուշադրություն դարձրեք սննդակարգին: Սննդաբանները փաստում են՝ մազերի առողջությունն ու գեղեցկությունը կախված են օրգանիզմի ներքին վիճակից. եթե բոլոր ցուցանիշները նորմալ են, ապա մազերի հետ կապված խնդիրներ չպետք է լինեն:
Բիոտին
Խոսելով մազերի վիճակի մասին՝ ուշադրություն դարձրեք օրգանիզմում բիոտինի (վիտամին B7) պարունակությանը: Այն պետք է բավական լինի, քանի որ պատասխանատու է մազերի աճի և բնական գեղեցկության համար:
Որտե՞ղ փնտրել
Լյարդ, ձվի դեղնուց, սաղմոն, պանիր, ավոկադո, թարմ ազնվամորի, ծաղկակաղամբ, ամբողջահատիկային հաց:
Կերատին
Կերատինը սպիտակուց է, «շինանյութ» ամուր մազերի և եղունգների աճի համար:
Որտե՞ղ փնտրել
Կաղամբ, բրոկկոլի, սոխ, սխտոր, լյարդ, ձուկ, միս, բնական յոգուրտ:
Վիտամին С
Կերատին արտադրելու համար մարմնին անհրաժեշտ է վիտամին C:
Որտե՞ղ փնտրել
Կիվի, ցիտրուսային մրգեր, ելակ, հապալաս, ազնվամորի, պղպեղ, լոլիկ, կաղամբ (բրոկկոլի, ծաղկակաղամբ, բրյուսելյան կաղամբ), հազարի թերթիկներ:
Պատրաստեց Անի Գաբուզյանը
