Տպել
MIND դիետան կարող է հատկապես օգտակար լինել տարեցների համար եւ բարելավել նրանց ճանաչողական ֆունկցիաները: Այսպիսի եզրակացության են եկել Ռաշի համալսարանի բժշկական կենտրոնի հետազոտողները: MIND-ը համատեղում է միջերկրածովյան դիետայի հիմունքները հիպերտոնիայի դեմ դիետայի հետ (DASH):
Նախորդ հետազոտությունները ցույց էին տվել, որ MIND դիետան կարող է նվազեցնել Ալցհեյմերի վտանգը: Նոր հետազոտության մեջ, որը հրապարակվել է Journal of Alzheimer’s Disease-ում, գիտնականները պարզել են, որ MIND սննդակարգի հետեւելը հետագայում բարելավել է ճանաչողական ֆունկցիաները։ Հետազոտողները հետեւել են 569 մասնակիցների, ովքեր ամեն տարի ճանաչողական թեստեր են հանձնել։ 2004 թ. -ից սկսած, մասնակիցները լրացրել են սննդի հարցաթերթիկներ ՝ նշելով, թե որքան հաճախ են նրանք ուտում ցանկում առկա սնունդը:
«Մենք պարզեցինք, որ MIND-ի բարձր գնահատականը կապված է հիշողության եւ մտածողության բարելավված ունակությունների հետ՝ անկախ Ալցհեյմերի հիվանդությունից եւ տարիքային ուղեղի այլ ընդհանուր պաթոլոգիաներից: Կարծես թե դիետան պաշտպանիչ հատկություններ ունի եւ կարող է նպաստել տարեցների մոտ ճանաչողական ֆունկցիաների լավացմանը»,-ասել է հետազոտության գլխավոր հեղինակ դոկտոր Կլոդիան Դանան:
