Տպել
Նույնիսկ նման թվացյալ պարզ իրը, ինչպիսին կարդիգանն է, կարող են կրել տարբեր ձեւերով։ Եկեք պարզենք, թե ինչպես են այն համադրում street style-ի աստղերը։
Երկար կարդիգան + կիսաշրջազգեստ
Երկար ծավալային կարդիգանը հիանալի համադրվում է ցանկացած ձեւվածքի միդի կիսաշրջազգեստի հետ։ Մի վախեցեք, որ «կկորցնես» գոտկատեղդ․ բազմաշերտությունն այսօր դեռ հայտնիության գագաթնակետին է։ Եթե պատրաստվում եք կրել մանրածալքերով կամ դեկորատիվ փայլերով կիսաշրջազգեստ, ապա ավելի լավ է ընտրել պարզ, միատոն կարդիգան, իսկ դասական կիսաշրջազգեստին ավելի շատ համապատասխանում է վառ երանգի խոշոր գործվածքով կամ պրինտով կարդիգանը։
Կապել կարդիգանը
Կոճակները կոճկելու փոխարեն, պարզապես ծայրերի օգնությամբ հանգույց կապեք․ թեթեւ եւ անսովոր միջոցը Ձեր կերպարն ավելի հետաքրքիր կդարձնի։
Երկու կարդիգան միանգամից
Մեկ կարդիգանը լավ է, իսկ երկուսը՝ վառ, ոճային, հետաքրքիր։ Օրինակ վերցրեք Օլիվիա Պալերմոյից եւ կրեք խոշոր գործվածքով ավերսայզ մոդելը բարակ կարդիգանի վրայից։ Դրանք կարող են լինել ինչպես նույն գունային գամմայից (եթե որոշել եք հավաքել ընդհանուր լուք), այնպես էլ կոնտրաստային երանգների։
Կարդիգան + մինի
Կարդիգանը համադրեք մինի կիսաշրջազգեստի կամ կարճ շորտերի հետ։ Նման հանդերձանքի համար կարեւոր է ճիշտ կոծիկ ընտրելը․ ամենաշատը կսազեն երկարաճիտները։ Ընտրեք այն մոդելները, որոնք հասնում են մինչեւ ծնկներ, կամ ավելի բարձր։
Օգտագործել գոտի
Եթե դուք օվերսայզի երկրպագու չեք, կարդիգանով կերպարն ամբողջացրեք գոտիով։ Դա կարող է լինել ինչպես չեզոք գույնի բարակ գոտի, այնպես էլ ավելի լայն մոդել։
Բացում ենք ուսերը
Շատ տղամարդիկ կարծում են, որ պարանոցն ու ուսերը կանանց մարմնի ամենագրավիչ մասերն են, այնպես որ, չեք վախենում ցույց տալ դրանք։ Կարդիգանով կերպարը սեքսուալ դարձնելու համար այն կրեք մերկ մարմնին եւ իջեցրեք ուսերը։ Իհարկե, այս տարբերակն ավելի համապատասխանում է ժամադրության գնալուն։
