Տպել
Որոշ մթերքներ նպաստում են մի ամբողջ շարք հիվանդությունների առաջացմանը, այն դեպքում, երբ այլ մթերքներ օգնում են պահպանել առողջությունը եւ երկարացնել կյանքը։ Նուտրիցիոլոգ Հոլի Զոքոլանը (Մեծ Բրիտանիա) խորհուրդ է տալիս խուսափել առաջիններից եւ սննդաբաժնում ավելացնել երկրորդները։
Ինչպես տեղեկացնում է Express-ը, խորհուրդ է տրվում, առաջին հերթին, խուսափել շաքարի բարձր պարունակությամբ մթերքների օգտագործումից՝ քաղցր գազավորված ըմպելիքներից, կարկանդակներից, քաղցր փաթիլներից։
Ցանկալի է նաեւ բացառել զտված բուսայուղերը՝ դրանք վնասակար են օրգանիզմի համար, քանի որ դրանք զտում են քիմիական եղանակով։
Իսկ ի՞նչ մթերքներ պետք է լինեն սննդաբաժնում առողջության պահպանման համար։
Մասնագետի խոսքով՝ երկարակեցության համար հարկավոր է ավելացնել օգտակար ճարպերի, օրինակ՝ ձիթապտղի յուղի, ձկան յուղի, ավոկադոյի, ընկույզի եւ սերմերի յուղերի օգտագործումը։
Զոքոլանն ավելացրել է, որ անհրաժեշտ է ավելի շատ օգտագործել սպիտակուցի, թարմ մրգերի բարձր պարունակությամբ սնունդ, խմել բավականաչափ ջուր եւ հավելյալ ընդունել վիտամիններ, որոնք կարող են պաշտպանել օրգանիզմը հատկապես ձմռանը։
