Տպել
Չեխ հայտնի լուսանկարիչ և խմբագիր Լենկա Կլիցպերովայի Արցախյան պատերազմին նվիրված «Պարտված պատերազմ» շարքն արժանացել է Արծաթե մրցանակի Տոկիոյի միջազգային լուսանկարչական մրցույթում\ TIFA 2021\՝ «Խմբագրական-Հակամարտություն» անվանակարգում։ Այս մասին տեղեկանում ենք orer.eu կայքից։
Կլիցպերովան և իր գործընկերուհի Մարկետա Կուտիլովան Արցախյան վերջին պահերազմի օրերին և հետո երեք անգամ եղել են այնտեղ, չեխական հեռուստատեսության և պարբերական մամուլի համար լուսաբանել են ոչ միայն ռմբակոծությունների տակ գտնվող Ստեփանակերտի խաղաղ բնակչության սարսափելի վիճակը, այլև գաղթականների ու նրանց ընտանիքների ողբերգությունը։
2021-ին նրանք նաև հրատարակել են «Վերջինը հրկիզում է գյուղը. Պատերազմը Լեռնային Ղարաբաղում» գիրքը, որը հարուստ է ոչ միայն ականատեսների պատմություններով, այլև լուսանկարներով։
