Տպել
Բաղադրիչներ
- Ալյուր – 500 գ
- Շաքարավազ – 100 գ
- Աղ – 1/2 թ/գ
- Չոր դրոժ – 1 թ/գ
- Կարագ – 200 գ
- Ձու – 6 հատ
- Կաթ – 100 մլ
- Ձվի դեղնուց – 1 հատ
Պատրաստման եղանակը
- Դրոժը և շաքարավազը լուծել տաք կաթի մեջ:
- Ալյուրը և աղը մաղել:
- Ձվերը մի փոքր հարել: Ավելացնել դրոժն ու շաքարավազը: Շարունակելով հարել՝ ավելացնել ալյուրը: Մոտ 5 րոպե խմոր հունցել, մինչև վերջինիս ձգվելը: Խմորը պետք է հեշտությամբ պոկվի թասի պատերից և չկպնի ձեռքերին:
- Խմորին ավելացնել փափուկ կարագ և նորից հունցել:
- Հետո խմորը ծածկել թաղանթով և թողնել 1 ժամ, որպեսզի խմորը բարձրանա մոտ 2 անգամ:
- Խմորը նորից հունցել, նորից ծածկել թաղանթով և 4 ժամ դնել սառնարանը:
- 4 ժամ անց խմորը հանել սառնարանից և թողնել սենյակային ջերմաստիճանում 30-40 րոպե, որպեսզի այն տաքանա: Դրանից հետո բուլկիներ ձևավորել և թողնել ևս 30 րոպե:
- Ձվի դեղնուցը հարել մի փոքր ջրի հետ, քսել բուլկիներին, վրան շաքարավազ շաղ տալ:
- Թխել 180 աստիճան տաքացրած ջեռոցում, մինչև բուլկիների ոսկեգունելը:
Պատրաստեց Անի Գաբուզյանը
