Տպել
ԱՄՆ Կոլորադո նահանգի բնակչուհին բողոքել է, որ իր մոտ սեքսի նկատմամբ հազվագյուտ ալերգիա են ախտորոշել։ Այս մասին հայտնում է The Mirror-ը։
18-ամյա ուսանողուհի Քլոե Լոուերին առաջին անգամ կասկածել է, որ սպերմատոզոիդից ալերգիա ունի, երբ օրալ սեքսից հետո անտանելի ցավ է զգացել, իսկ դեմքը սկսել է այնպիսի տեսք ստանալ, կարծես հենց նոր է այցելել ատամնաբույժին։ Հերթական սեռական հարաբերությունից հետո աղջկա դեմքը թմրել է։ «Դեմքիս աջ կողմը թմրեց, և ես չկարողացա նույնիսկ շուրթերս շարժել՝ արտահայտելու իմ զգացմունքները: Սենսացիան նման էր ատամնաբույժի մոտ անզգայացմանը», – բացատրել է նա:
Աղջիկը կատարվածին հումորով է արձագանքել. «Ես կարծում էի, որ դա ավելի շատ ծիծաղելի իրավիճակ է: Վախենում էի, որ նման զգացողությունը հավերժ կմնա, բայց աստիճանաբար նորից սկսեցի զգալ այտս, և ամեն ինչ լավացավ։ Բայց այդ ժամանակից ի վեր ես այդ պատճառով խուսափում եմ օրալ սեքսից»,- ասել է նա:
Բժիշկը ուսանողուհուն ասել է, որ մաշկի ցավն ու կարմրությունը առաջացել են սերմնահեղուկի նկատմամբ գերզգայունությունից։ Պարզվել է, որ կինը ալերգիկ ռեակցիա է ունեցել այն սպիտակուցների նկատմամբ, որոնք պարունակվում են սերմնահեղուկում։
Դրա պատճառով Լոուերին սեքսից հետո մեկ ժամվա ընթացքում տհաճ այրոցի զգացում է ունենում: Նա նկարագրում է սենսացիան որպես «ասեղնաբուժության համար միլիոնավոր ասեղներ»: Կինը սովորում է ապրել նման ալերգիայի հետ, սակայն մարդիկ, ում նա պատմում է դրա մասին, պնդում են, որ երբեք չեն լսել նման երեւույթի մասին։
Ամերիկուհին անվտանգ սեքսով է զբաղվում և պահպանակներ է օգտագործում, որոնք օգնում են նրան ազատվել ալերգիկ ռեակցիայից։ Նա բացատրել է, որ ստիպված է լինում իր զուգծընկերներին պատմել ալերգիայի մասին, և այս լուրը նրանցից ոչ մեկի համար խնդիր չի եղել։ «Նրանք դա ծիծաղելի են համարում, ուստի ես դրա պատճառով հարաբերությունների հետ կապված խնդիրներ չեմ ունեցել», – ասել է կինը:
