Տպել
Հարց
Ի՞նչը կարող է լինել ամորձիների ցավի պատճառ:
Պատասխան
Ամորձու ցավն ունի բազմաթիվ պատճառներ, որոնց հայտնաբերման համար հարկավոր է մանրակրկիտ վերհուշ հավաքել, կատարել օբյեկտիվ և սոնոգրաֆիկ հետազոտություններ:
Ամորձու ցավ (orchialgia)
Ամորձիների ցավի պատճառներին են.
- մակամորձու և ամորձու բորբոքումները,
- վարիկոցեկե (սերմնալարի երակների լայնացում), որի ժամանակ ցավն առաջանում է հատկապես ձախ կողմում, և դառնում բութ ցավերի և տհաճ զգացողության պատճառ,
- ամորձու քաղցկեղի որոշ դեպքերում ցավը լինում է ուռուցքի առաջնային նշաններից մեկը,
- հիդրոցելեն (ջրգողություն), երբ բորբոքման կամ վնասվածքի հետևանքով ամորձապարկում հեղուկ է հավաքվում,
- միզաքարային հիվանդության ժամանակ լինում են ճառագայթող բնույթի ցավեր գոտկային շրջանից դեպի ամորձի, և հանդիպում է հատկապես միզածորանի ստորին երրորդականի քարերի ժամանակ,
- սպերմատոցելեն, երբ մակամորձու գլխիկի շրջանում կիստա է ձևավորվում` սերմնահեղուկի պարունակությամբ,
- ամորձու ոլորումը, երբ ամորձին ոլորվում է իր առանցքի շուրջ և պատճառ դառնում սուր փոշտի և շտապ վիրահատության,
- միզուղիների բորբոքումները սեռավարակների և պրոստատիտի դեպքերում կարող են լինել ամորձու ցավերի և անհարմարավետության պատճառ,
- խոզուկը, որի դեպքում առաջացնում է ամորձու սուր բորբոքում,
- ամորձու վնասվածքը,
- աճուկային ճողվածքը,
- կրիպտօրխիզմը (գաղտնամորձություն),
- անհայտ այլ պատճառներ:
Ամեն պարագայում, ամորձու ցավը չպետք է անտեսել, քանի որ կարող է երբեմն լինել շատ վտանգավոր հիվանդության առաջին ախտանշանը, ինչպիսին է ամորձու ոլորումը:
Հետևաբար, պետք է դիմել բացառապես ուրոլոգիական խորհրդատվության` համապատասխան հետազոտություններ կատարելու, ախտորոշելու և բուժելու նպատակով:
