Վիկտորյա Բեքհեմն անհանգստացած է. «Տեսնում եմ, թե որքան դաժան կարող են լինել մարդիկ»

Վիկտորյա Բեքհեմը նկարահանվել է Vogue Australia-ի համար ֆոտոշարքում և հարցազրույց տվել։ Հրատարակությանը տված հարցազրույցում նա մտավախություն է հայտնել, որ իր դուստր Հարփերը ապագայում կարող է քննադատության բախվել։

«Հարփերը սոցիալական ցանցերում չկա, ուստի մենք դեռևս կարիք չունենք որևէ բանի մասին անհանգստանալու: Բայց տեսնելով, թե որքան դաժան կարող են լինել մարդիկ, կարող եմ ասել, որ դա ինձ իսկապես անհանգստացնում է։ Նա հենց այն տարիքում է, երբ նրա մարմինը սկսում է փոխվել։ Կարևոր է համոզված լինել, որ մենք շատ ենք շփվում ընտանիքի անդամներով, և նա իրեն շրջապատում է լավ ընկերներով»,֊ասել է Վիկտորյան:

Հարփերի կազմվածքը չի համապատասխանում գեղեցկության մասին ընդհանուր ընդունված կարծրատիպերին, և շատերը քննադատում են աղջկա ծնողներին դրան ուշադրություն չդարձնելու համար։ Աղջկա արտաքինն ու քաշը հաճախ են քննարկվում սոցիալական ցանցերում և նույնիսկ մամուլում՝ մեկ անգամ չէ, որ լրատվամիջոցներում վիրավորական հոդվածներ են հայտնվել երեխայի մասին։
Ինքը՝ Վիկտորիան, միշտ անհանգստացել է իր քաշի համար։ Ավելի քան 20 տարի Վիկտորյա Բեքհեմը խիստ դիետա է պահում և գրեթե ամեն օր ուտում է նույն բանը՝ շոգեխաշած բանջարեղեն և ձուկ։

Նախկինում Վիկտորիան, սակայն, նշել էր, որ իրեն դուր են գալիս «կլորիկ աղջիկները», ովքեր սիրում են իրենց մարմինը, և հույս էր հայտնել, որ Հարփերը նույնպես կսիրի իրեն՝ չձգտելով ներդաշնակության։