Տպել
Չնայած 30 տարեկանում արդեն ոսկրային զանգվածը ձեւավորված է լինում, բայց դուք կարող եք դեռեւս շատ բան անել, որպեսզի կանխեք ոսկրի զանգվածի կորուստը կամ արագացնեք այն, եթե զգույշ չլինեք, գրել է Eat This, Not That! -ը։
Մարդկանց մեծ մասը չգիտի ոսկրի ցածր զանգվածի մասին այնքան ժամանակ, քանի դեռ կոտրվածք չի ունեցել։ Չնայած շատ սովորություններ, կապված ալկոհոլի եւ սննդի օգտագործման հետ, կարող են արագացնել ոսկրի զանգվածի կորուստը, կա մի նենգ սովորություն, որը կարող է վնաս հասցնել, երբ անգամ չեք էլ կասկածում այդ մասին. դա կապված է կալցիումի եւ վիտամին D-ի սուղ օգտագործման հետ։
Դուք կարող եք անել դա՝ փոխարինելով կալցիումի եւ վիտամին D-ի լավ աղբյուր հանդիսացող բոլոր կաթնամթերքները բուսական այլընտրանքներով, որոնք հագեցած չեն այդ երկու սննդարար նյութերով։ Գուցե դուք նաեւ նախընտրում եք կարմիր միսը վիտամին D-ով հարուստ ձկան փոխարեն։
Կալցիումի խորհուրդ տրվող դիետիկ նորմը մեծահասակների համար կազմում է օրական 1 000 միլիգրամ։
51-ն անց կանանց համար այդ նորմը ավելանում է մինչեւ օրական 1 200 միլիգրամի։ ԱՄՆ բնակչության մոտ 40 տոկոսը չի բավարարում կալցիումի խորհուրդ տրվող պահանջարկը միայն ի հաշիվ սննդակարգի։
Ամեն օր ձեր սննդաբաժնում ներառեք կալցիումի բարձր պարունակությամբ մթերքներ, ինչպիսին են կաթը, տոֆուն, սարդինը, յոգուրտը կամ այն մթերքները, որոնք հարուստ են կալցիումով։ Եթե չեք կարող բավարարել ձեր պահանջմունքը միայն ի հաշիվ սնվելու, ձեր բժշկին խնդրեք հավելումներ նշանակել ոսկրերի առողջության պահպանման համար։
Սակայն առանց վիտամին D-ի ձեր օրգանիզմը չի կարող օգտագործել կալցիումը, որը դուք սպառում եք, ոսկրերն ամրացնելու համար։ D վիտամինը ինքնատիպ է նրանով, որ օրգանիզմը կարող է մշակել այն արեւի ազդեցությամբ, բայց փակ տարածքում անցկացրած ժամանակի, հասարակածից հյուսիս կյանքի եւ տարիքի հետ վիտամին D արտադրելու ունակության նվազման պատճառով այն բավարար քանակությամբ ստանալուն կարող են օգնել որոշակի սննդամթերքներ եւ հավելումներ։
