Տպել
Chanel նորաձեության ֆրանսիական տունը հայտարարել է, որ Լոս Անջելեսում կներկայացնի 2024 թվականի կրուիզային հավաքածուն։ Միջոցառումը տեղի կունենա մայիսի 9-ին։
Ապրանքանիշը չի նշել հանդիպման վայրը։ Փոխարենը, նա հիշեցրել է, որ 2008 թվականի կրուիզային հավաքածուն, որը նախագծել էր հանգուցյալ ստեղծագործական տնօրեն Կարլ Լագերֆելդը, ցուցադրվել էր Սանտա Մոնիկա օդանավակայանում:
«Այս շոուն հնարավորություն է նորաձեւության տան համար նշելու իր կապը Հրեշտակների քաղաքի հետ», – ասվում է ապրանքանիշի հայտարարության մեջ:
WWD-ն հիշեցնում է, որ Chanel բրենդի կապը կինոյի հետ սկսվում է 1931 թվականից։ Այն ժամանակ կինոմագնատ Սեմ Գոլդվինը Հոլիվուդ է հրավիրել բրենդի հիմնադիր Գաբրիել Շանելին։ Նա նախագծել է հանդերձանք այնպիսի դերասանուհիների համար, ինչպիսին Գլորիա Սուոնսոնն է:
news.am
