Տպել
Այն պնդումը, որ ձեռնաշարժությունը բացասաբար է ազդում լիբիդոյի վրա և նվազեցնում է զուգընկերոջ հետ սեքսով զբաղվելու ցանկությունը, ոչ այլ ինչ է, քան առասպել, ասում է հոգեբան-սեքսապաթոլոգ Ռոսիանա Լուչկինան։ Lenta.ru-ին տված հարցազրույցում նա ցրել է այս խնդրի հետ կապված տարածված սխալ պատկերացումները։
Լուչկինայի խոսքով՝ եթե մարդը հոգեբանական խնդիրներ չունի, ձեռնաշարժությունը չի փոխարինի զուգընկերոջ հետ սեքսին։ Դա միայն կօգնի թուլացնել սեռական լարվածությունը և խուսափել դավաճանությունից։ Սա հատկապես օգտակար է, եթե զուգընկերներից մեկը հաճախ է գործուղման գնում կամ նրա հետ հարաբերությունները կառուցվում են հեռավորության վրա։ Միևնույն ժամանակ, ինքնաբավարարվածությունը չի նվազեցնում լիբիդոյի մակարդակը և «չի սպանում» սեռական հարաբերություն ունենալու ցանկությունը։
Ոչ մի կապ չունի իրականության հետ նաև այն պնդումը, թե ձեռնաշարժության ժամանակ վիբրատորի օգտագործումը բացասաբար է անդրադառնում զգայունության վրա։
Լուչկինան հավելել է, որ պետք չէ վախենալ, որ ձեռնաշարժության պատճառով զուգընկերոջ հետ սեքսը կդադարի հաճելի լինել։ Նա խոստովանել է, որ որոշ դեպքերում մարդը կարող է սովորել օրգազմի հասնել միայն ինքնաբավարարման միջոցով։ Այս դեպքում պարզապես պետք է փոխել ձեռնաշարժության տեսակը, որպեսզի «արթնացնեք» մյուս էրոգեն գոտիները և նոր տեխնիկա մտցնեք ձեր ինտիմ կյանք։
