Տպել
Նյու Յորքի Նորաձեւության շաբաթվա ընթացքում տեղի է ունեցել Black Tape Project-ի ցուցադրությունը: Մոդելների հագին չի եղել ոչինչ, բացի կպչուն ժապավենից, որն ամրացված է եղել ինտիմ հատվածներին։ Այս մասին հայտնում է Daily Mail-ը։
Կերպարները նախագծել է դիզայներ Ջոել Ալվարեսը։ Նա օգտագործել է ժապավենների տարբեր համակցություններ՝ բոլոր ձեւերի, չափերի ու գույների: Որոշ մոդելների մարմինները ծածկված են եղել սեւ կպչուն ժապավենով, իսկ մյուսները՝ փայլուն մանուշակագույն, ոսկեգույն կամ կանաչ:
Իր կայքում Ալվարեսն իրեն նկարագրում է որպես «թեյփը մարմնին ամրացնելու աշխարհի միակ մասնագետը» եւ թեյփ-արտ ժանրի «հիմնադիր եւ առաջամարտիկ»:
Մայամիում ծնված եւ մեծացած առաջին սերնդի կուբայաբնակ ամերիկացին բացատրել է, որ իր ընկերությունը շրջել է իր կյանքը այն բանից հետո, երբ նա ամիսներ շարունակ «ապրել է մեքենայում» եւ «ողջ ուժերով պայքարել է կերակրվել»՝ առանց «իր հաշվին մեկ դոլար» ունենալու։
2008 թվականին ընտանիքի անդամի մահից հետո նա ժառանգել է «փոքր գույք», որն այնքան խարխուլ էր, որ «բնակության համար պիտանի չէր»։ Բայց երբ նա մաքրել է տունը, պահարանում գտել է մի տուփ, որի մեջ 26000 դոլար է հայտնաբերել։
«Իմ պատանեկության տարիներին այս գումարը հարստություն էր թվում, բայց շուտով հասկացա, որ 26,000 դոլարն այս օրերին երկար չի դիմանա»։ Նրա խոսքով՝ նա ծախսել է իր վերջին 1500 դոլարը՝ գնելով տեսախցիկ, որն ի վերջո սկիզբ դրեց իր կարիերայի՝ որպես նորաձեւության դիզայներ։
Նա սկսել է լուսանկարել կանանց, ովքեր աշխատում էին իր տեղական Hooters խանութում, նախքան Myspace-ի միջոցով Մայամիի մոդելների հետ շփվելը:
Մի քանի ամսվա ընթացքում նա տպագրվել է տեղական ամսագրերում։ Ալվարեսը շարունակել է բարձրանալ ծառայողական աստիճաններով եւ ի վերջո սկսել է աշխատել այնպիսի խոշոր հրատարակություններում, ինչպիսիք են Maxim-ը եւ Playboy-ը, դեռեւս օգտագործելով իր պապիկի փողերով գնած օրիգինալ Canon-ը:
«Օրերից մի օր մի մոդել ինձ քաղաքից դուրս հրավիրեց նկարահանման, եւ մեր վերջին ցուցադրության ժամանակ նա հանեց կպչուն թեյփը եւ խնդրեց, որ այն կպցնեմ նրա մարմնին», – բացատրել է նա:
Ամբողջությամբ՝ news.am
