Տպել
Levi’s-ը հայտարարել է, որ հաջորդ տարի կօգտագործի արհեստական ինտելեկտի կողմից ստեղծված հիպերիրատեսական մոդելներ։
LS&Co.-ն Lalaland.ai-ի՝ արհեստական ինտելեկտի թվային նորաձեւության ստուդիայի հետ համագործակցելով, նախատեսում է տեխնոլոգիան փորձարկել արհեստական ինտելեկտի ստեղծած մոդելներով, բացի մարդկային մոդելներից՝ «կայուն կերպով ավելացնելով մեր արտադրանքի մոդելների քանակը եւ բազմազանությունը», – ասվում է ընկերության հայտարարության մեջ:
Արհեստական ինտելեկտի միջոցով ստեղծված մոդել
2019 թվականին Ամստերդամում հիմնադրված Lalaland.ai-ն օգտագործում է ժամանակակից արհեստական ինտելեկտը, որպեսզի նորաձեւության բրենդներին ու մանրածախ վաճառողներին հնարավորություն ընձեռի ստեղծել ցանկացած մարմնակազմության, տարիքի, չափի եւ մաշկի գույնի հիպերիրատեսական մոդելներ: Այս ավատարներով ընկերությունը նպատակ ունի ստեղծել ավելի ընդգրկուն, անհատականացված ու կայուն գնումների փորձ նորաձեւության ապրանքանիշերի, մանրածախ առեւտրի ու հաճախորդների համար:
«Չնայած արհեստական ինտելեկն, ամենայն հավանականությամբ, երբեք ամբողջությամբ չի փոխարինի մարդկային մոդելներին, մենք ոգեւորված ենք այն պոտենցիալ հնարավորությամբ, որը կարող է բերել մեզ սպառողական փորձը», – ասել է Levi Strauss & Co-ի թվային եւ նոր տեխնոլոգիաների ռազմավարության համաշխարհային ղեկավար Էմի Հերշկոֆ Բոլեսը: «Մենք նորաձեւությունն ու տեխնոլոգիան դիտարկում ենք որպես արվեստ եւ գիտություն, եւ մենք ուրախ ենք համագործակցել Lalaland.ai-ի հետ՝ այնպիսի բարձրորակ տեխնոլոգիական ընկերության հետ, որը կարող է օգնել մեզ շարունակել մեր ճանապարհորդությունը դեպի ավելի բազմազան եւ ներառական աշխարհ»:
