Տպել
Բոլոր մարդիկ տանը դեղեր ունեն, բայց շատերը խախտում են դրանց պահպանման կանոնները։ Դա կարող է հանգեցնել դեղամիջոցի արդյունավետության կորստի եւ անգամ վնասել առողջությանը։
Կալինինգրադի մարզի հանրային առողջության եւ բժշկական կանխարգելման կենտրոնի մամուլի կենտրոնում «Московский комсомолец» թերթին ասել են, թե ինչպես պետք է ճիշտ պահվեն դեղերը դեղատուփում։
Դեղամիջոցները պետք է պահել արտադրման փաթեթում։ Դա թույլ կտա ցանկացած պահի թարմացնել դրա կիրառման հրահանգները կամ ստուգել պիտանիության ժամկետը։
Դեղերը պետք է գտնվեն երեխաների համար անհասանելի տեղում։ Ամենալավը դեղատուփը բանալիով փակելն է՝ խուսափելու համար չնախատեսված իրավիճակներից. երեխան կարող է որոշել փորձել դեղերը կամ պատահաբար կոտրել դեղատուփի պարունակությունը։
Պետք է հետեւել հրահանգներին՝ հետեւելով դեղերի պահպանման պայմաններին եւ ժամկետներին։ Որոշ դեղեր կարող են փչանալ որոշակի ջերմաստիճանի պայմաններում, բարձր կամ ցածր խոնավության դեպքում, ինչպես նաեւ լույսի ազդեցության ներքո։
Հանեք բամբակը դեղաշշի վրայից։ Բամբակը պետք է միայն նրա համար, որպեսզի չվնասվի փաթեթը տեղափոխման ժամանակ։ Իսկ դեղահաբերի դեպքում եթե այն թողնեն տարողության ներսում, այն կսկսի խոնավություն քաշել եւ էապես կրճատել դեղի պիտանիության ժամկետը։
Ամենից լավ է արտաքին եւ ներքին օգտագործման դեղերը պահել առանձին։ Արժե նաեւ առանձնացնել հոտավետ ու գունավորող դեղամիջոցները։
Առաջին անհրաժեշտության միջոցները պետք է մշտապես թարմացնել։ Դրանցից են՝ քրոնիկական հիվանդությունների դեմ դեղամիջոցները, ջերմ իջեցնողները, հակաբորբոքային, ցավազրկող եւ հակահիստամինային միջոցները։ Առաջին անհրաժեշտության միջոցներից են նաեւ սպեղանիները, հակասեպտիկները եւ վիրակապերը։
Ստուգեք դեղերի պիտանիության ժամկետները կես տարին մեկ անգամ։
Պետք է դեն նետել ոչ միայն ժամկետանց, այլեւ այն դեղերը, որոնց արտաքին տեսքը փոխվել է։
