Քանիե Ուեսթը հագուստի նոր հավաքածու է ներկայացրել

Նյու Յորքում կայացել է ամերիկացի ռեփեր Քանիե Ուեսթի ստեղծած հերթական հավաքածուի ցուցադրությունը: Այս մասին հաղորդել է Harper’s Bazaar-ը:

Հագուստի ցուցադրության համար Ուեսթն ընտրել է ոչ ստանդարտ արտաքինով մոդելների: Ցուցադրության ժամանակ ավանդական ցուցադրաքայլք չի եղել. Ռուզվելտի կղզում աղջիկներն ու պատանիները շարվել են՝ կազմելով եռանկյունի:

Մոդելները հագել են սպիտակեղեն եւ մաշկի գույնի բոդի: Ցուցադրությանը մասնակցել են երգչուհի Թեյլոր Սվիֆթը, ինչպես նաեւ գերմոդել Շանել Իմանը եւ Ջասթին Բիբերի ընկերուհին Սոֆիա Ռիչին: Միջոցառման ժամանակ մոդելներից մեկն ուշագնաց Է եղել տոթի պատճառով, հաղորդել է dni.ru.-ն: Նրան արագ ուշքի են բերել, եւ տոնը շարունակվել է: