Աշխարհի լավագույն տորթը

Հենց այսպես է նորվեգերենից թարգմանվում Verdens beste kake-ի անվանումը:

Բաղադրիչներ

Խմոր

Փափուկ կարագ – 100 գ

Շաքարավազ – 100 գ

Ձվի դեղնուց – 4 հատ

Կաթ – 3 ճ/գ

Ալյուր – 100 գ

Փխրեցուցիչ – 2 թ/գ

Վանիլին – 1 թ/գ

Մերենգա

Ձվի սպիտակուց – 4 հատ

Շաքարավազ – 200 գ

Նուշ – 150 գ

Կրեմ

Սերուցք – 300 գ

Վանիլին կամ ռոմի բուրավետիչ

Պատրաստման եղանակը

Թասի մեջ հերթականությամբ լցնել կարագը և շաքարավազը, հետո ավելացնել կաթը և դեղնուցները, իսկ վերջում՝ ալյուրը, փխրեցուցիչը և վանիլինը: Լավ հարել՝ մինչև միասեռ զանգված ստանալը:

Զանգվածը բարակ շերտով տարածել յուղաթղթի վրա և տեղավորել տապակի մեջ:

Լավ հարել սպիտակուցները և շաքարավազը՝ մինչև շատ պինդ մերենգա ստանալը:

Մերենգան տարածել խմորի շերտի վրա և վրան նուշ շաղ տալ: 15-20 րոպե դնել թխվելու 180 աստիճան տաքացրած ջեռոցում:

Մերենգան պետք է լավ բարձրանա: Մինչ այդ պատրաստել կրեմը:

Սերուցքը հարել վանիլինի հետ:

Տորթը կիսել 2 հավասար մասերի և կաղապարի մեջ դնել առաջին շերտը: Վրան կրեմ քսել և ծածկել 2-րդ շերտով:

Պատրաստեց Անի Գաբուզյանը