Շոկոլադե տորթ՝ առանց ալյուրի, շաքարավազի և մեղրի

Բաղադրիչներ

Շերտերի համար

1. Պուդինգ «Dr Oetker» – 4 ճ/գ
2. Ձու – 6 հատ
3. Փխրեցուցիչ – 4 թ/գ
4. Աղ – 1 պտղունց
5. Շաքարի փոխարինիչ

Կրեմի համար

1. Փափուկ անյուղ կաթնաշոռ – 400-500 գ
2. Անյուղ կաթ կամ յոգուրտ – 50 մլ
3. Վանիլին – 1 պտղունց
4. Շաքարի փոխարինիչ

Ջնարակի համար

1. Ձվի դեղնուց – 2 հատ
2. Կակաո – 1 թ/գ
3. Չոր անյուղ կաթ – 1 ճ/գ
4. Փափուկ կաթնաշոռ – 1 ճ/գ
5. Շաքարի փոխարինիչ

Պատրաստման եղանակը

Ձվի դեղնուցներն առանձնացնել սպիտակուցներից և լավ խառնել մնացած բաղադրիչների հետ: Սպիտակուցներն առանձին լավ հարել մի պտղունց աղի հետ՝ մինչև պինդ զանգված ստանալը:

Սպիտակուցները զգուշությամբ ավելացնել հիմնական զանգվածին: Լցնել կաղապարի մեջ և ուղարկել 180 աստիճան տաքացրած ջեռոցը 30 րոպե: Սառեցրած խմորը կիսել:

Հարել կրեմի համար նախատեսված բոլոր բաղադրիչները, քսել շերտի վրա և վրան դնել հաջորդ շերտը:

Խառել ջնարակի համար նախատեսված բոլոր բաղադրիչները, քսել տորթին: Տորթը դնել սառնարանի մեջ:

Պատրաստեց Անի Գաբուզյանը