Օրիգինալ ամառային բաղադրատոմս. օգտակար հաց՝ թարմ սպանախով

Մենք բոլորս սովոր ենք հիմնականում ուտել սպիտակ և սև հաց: Բայց դրանով բազմազանությունը չի ավարտվում: Առաջարկում ենք ուշադրություն դարձնել կանաչ հացի վրա: Մի վախեցեք, դա ուղղակի պատրաստվում է թարմ սպանախով: Այն շատ ավելի օգտակար է նրանցից, որոնք վաճառվում են խանութներում:

Հաց՝ թարմ սպանախով

Բաղադրիչներ

Ալյուր – 400 գ

Խոշոր աղացած ալյուր – 150 գ

Թարմ սպանախ – 200 գ

Կարագ – 100 գ

Ձու – 1 հատ

Չոր խմորիչ – 1 տուփ

Կաթ – 250 մլ

Աղ – 1/2 թ/գ

Մեղր – 2 թ/գ

Պատրաստման եղանակը

Լավ լվանալ սպանախի տերևները և դնել բլենդերի մեջ:

Հետո ավելացնել մի փոքր աղ, ձու, կաթ և մեղր: Հիմա խառնել բոլորը միջին արագությամբ՝ մինչև խյուսի վերածվելը:

Մեծ թասի մեջ խառնել ալյուրի 2 տեսակները, խմորիչը և փափուկ կարագը: Ավելացնել ամբողջ սպանախի խյուսը:

Խմոր հունցել:

Խմորի վրա մի քանի կաթիլ բուսայուղ ցողել և ծածկել թասը սննդային թաղանթով: Դնել տաք տեղում՝ մոտ 1 ժամ:

Երբ խմորը կմեծանա 2 անգամ, հարվածել բռունցքով, որպեսզի այն մի փոքր նստի:

Խմորին տալ հացի ձև, ինչպես տեսանյութում:

Խմորը դնել բուսայուղով պատված կաղապարի մեջ: Թողնել, որ հասունանա մոտ 40 րոպե:

Թխել նախապես 180 աստիճան տաքացրած ջեռոցում 30-40 րոպե:

Պատրաստեց Անի Գաբուզյանը