«Զեպոլե». իտալական փքաբլիթներ, որոնք կօգնեն զգալ Իտալիայի համը

Բաղադրիչներ

Գոլ ջուր – 1 բաժակ

Չոր խմորիչ – 1 թ/գ

Շաքարավազ – 1 ճ/գ

Ալյուր – 2 բաժակ

Աղ – 1 թ/գ

Շաքարի փոշի՝ ըստ ճաշակի

Բուսայուղ

Պատրաստման եղանակը

Ջրի մեջ լցնել խմորիչը և շաքարավազը:

Խմոր հունցել՝ խառնելով ալյուրը, աղը և խմորիչով ջուրը: Թողնել 1-1.5 ժամ՝ բարձրանալու համար:

Խորը թասի մեջ տաքացնել բուսայուղը (մոտ 6 սմ)՝ գրեթե մինչև եռման աստիճան:

Խմորից պոկել կտորներ և գցել բուսայուղի մեջ: Դրանք պետք է ստացվեն տարբեր ձևի: Տապակել մոտ 2 րոպե:

Պատրաստի փքաբլիթները շաքարի փոշու հետ լցնել թասի մեջ և լավ թափահարել: Մատուցել միանգամից՝ տաք վիճակում:

Պատրաստեց Անի Գաբուզյանը