Տպել
Կիսելը քաղցր դեսերտային ըմպելիք է՝ ժելեանման կառուցվածքով: Կիսելի մեջ օսլայի առկայությունը այն շատ կալորիական և սննդարար ըմպելիք է դարձնում: Այն իր մեջ պահպանում է բոլոր մրգերի և հատապտուղների վիտամինները, որոնք օգտագործվում են պատրաստման ժամանակ: Կիսելը կարող է օգտագործվել որպես կերակուրներից մեկին փոխարինող միջոց օրինակ ցերեկվա ընթացքում:
Մարդիկ, որոնք ունեն ստամոքսահյութի ավելցուկ, գաստրիտներ կամ ստամոքսաղիքային տրակտի պեպտիկ խոցեր, բժիշկները կիսել խորհուրդ են տալիս օգտագործել ստամոքսի թթվային միջավայրի հիմնայնացման համար: Կիսելը հարուստ է օրգանական թթուներով, իսկ դրա օգտակար և բուժիչ հատկությունները կախված են այն ամենից, ինչից այն եփված է:
Հապալասի կիսելը բարելավում է տեսողությունը և դրական ազդեցություն է ունենում աղեստամոքսային տրակտի հիվանդությունների և վարակիչ հիվանդությունների կանխարգելման ու բուժման գործում: Նաև այն օգտագործում են որպես դիետիկ ուտեստ, որը բարելավում է մարսողությունը:
Արոսենու կիսելն օգտագործվում է որպես լյարդի և լեղուղիների հիվանդությունների ընդհանուր թերապիայի համար: Այն բաղկացած է նյութերից, որոնք նպաստում են լեղապարկի թարմացմանը, բարելավում են դրա գույնը և որակի բնութագրերը: Բացի այդ, այդպիսի կիսելը ունի փոքր-ինչ թուլացնող և միզամուղ ազդեցություն:
Բալի գոլ կիսելն օգնում է վերին շնչուղիների և թոքերի շրջանում բորբոքային գործընթացների սկզբնական հիվանդությունների ժամանակ, այդպիսի ազդեցությունը ձեռք է բերվում բալի հակասեպտիկ հատկությունների շնորհիվ:
Լոռամրգի կիսելի վիտամին C-ի և ասպիրինի մեծ քանակությունը օգնում է մրսածության և գրիպի ժամանակ: Կիսելը խորհուրդ է տրվում խմել կծու սնունդ ուտելուց հետո, որը գրգռում է լորձաթաղանթը, և նրա մածուցիկ կառուցվածքը պատում է ստամոքսի պատերը՝ կանխելով վերջինիս վնասվելը և բարելավում է նրա աշխատանքը:
Կիսելի վնասակարությունը և հակացուցումները Կիսելի բոլոր բացասական հատկությունները կարելի է վերագրել դրանում պարունակվող օսլային: Օսլան ածխաջրերի լրացուցիչ աղբյուր է, որի չափից շատ օգտագործումը կարող է ալերգիայի կամ գիրացման պատճառ դառնալ: Բացի այդ, եթե կա որևէ ալերգիա ցանկացած մրգի կամ հատապտուղի նկատմամբ, ապա չպետք է օգտագործեք դրանք ըմպելիքը պատրաստելու համար:
