Տպել
Միանգամից մի քանի պայման, որոնք նպաստում են քաշի ավելացմանը․․․
պարզաբանում է սննդաբան Լիդիա Այվազյանը
- տեղաշարժման սահմանափակում
- սթրես/լարվածություն
- ռեժիմի խախտում
Ճիշտ ժամանակն է սննդակարգը կարգավորելու․ խորհուրդ է տալիս Լիդիան։
Ունենք հնարավորություն հաճախ և քիչ չափաբաժիններով ուտել և դա շատ լավ է։
Նախապես կազմեք սննդակարգի սխեման այնպես, որ օրվա ընթացքում ունենաք ամենաքիչը 3 չափաբաժին բանջարեղեն։
Սնունդընդունումների արանքում 2-3 ժամ առնվազն պահեք, իսկ այդ ընթացքում աշխատեք բերանը ոչինչ չդնել։
Սուրճի փոքրիկ սեղանների վրայից վերցրեք և աչքից հեռու պահեք քաղցրեղենը, դրանք փոխարինեք շերտատած բանջարեղեններով և մրգերով։
Ածխաջրերի մասին
Մի մոռացեք, լիարժեք էներգիայի, լավ տրամադրության և հետևաբար նորմալ իմունիտետի համար մեզ պետք են ածխաջրեր։
Ընդունած էներգիան պետք է ծախսել, այլապես այն ոչ մի տեղ չի կորչի, այլ կվերածվի ճարպի:
Ինչպե՞ս ծախսել էներգիա
Զբոսանքները մաքուր օդին խրախուսվում են, բայց դրանց համար պետք է պահպանենք անվտանգության կանոնները․ զբոսանքը կազմակերպեք քիչ մարդաշատ վայրերում, հիշեք, որ կվարակվեք, եթե օդում վարակի կոնցենտրացիան բարձր լինի։
Դուրս մի եկեք զբոսանքի խմբերով։
Ամեն անգամ քայլելու տարածքը մեծացրեք/ երկարացրեք։
Տուն վերադառնալուն պես լվացեք ձեռքերը՝ 20 վայրկյան առնվազն։
Փոխեք վերանհագուստը։
Տան պայմաններում ևս կարելի է էներգիա ծախսել, օրինակ տանը մաքրություն անելով։
