Ռուբեն Վարդանյան. «Դաստիարակները»
Advertisement 1000 x 90

Ռուբեն Վարդանյան. «Դաստիարակները»

Իմ մենթորները, կամ դաստիարակի ընտրության 5 կանոն

Ինձ հաճախ հարցնում են, թե ի՞նչ խորհուրդ կտայի սկսնակ գործարարներին: Ինքս ինձ համար երեք սկզբունք եմ սահմանել. պետք է իրապես երկրպագես քո գործը, տասնամյակով պլանավորես գործողությունները, դասակարգես դրանք, պետք է կարողանաս ճիշտ գործընկերներ ընտրել: Կկենտրոնանամ վերջին սկզբունքի վրա: Ճիշտ գործընկերը՝ մարդ է, ում հետ համագործակցելուց և աշխատելուց բացի, կարող ես նաև սովորել: Այլ խոսքով՝ գործընկերը կարող է դառնալ նաև ուսուցիչ՝ մենթոր: Ո՞վ է մենթորը: Մենթորը այն մարդն է, որը ոչ թե ձուկ է տալիս, այլ՝ կարթաձող:

Հաջողության հասած մարդիկ հիմնականում լավ դաստիարակ են ունեցել: Նույնը կարող եմ իմ մասին ասել: Իմ հաջողություններով պարտական եմ մենթորներիս: Նրանք լավն են եղել: Չեմ ասում, որ միշտ հանդիպել եմ խորհրդատուների: Մենթորն ավելի բարձր աստիճանի վրա է կանգնած, քանի որ ուսուցիչ է, դաստիարակ: Նա դաս է տալիս, ոչ թե դասախոսում է: Սովորական գիտելիք չէ այդ մարդկանց տվածը, դրանք ավելի շատ կյանքի ուսուցումներ են: Նրանք հաճախ խանգարելով, ցույց են տալիս ձեր իրական հնարավորությունները, հեռանկարները:

Հոմերոսի «Ոդիսականում» Մենթորը Տելեմախեսի՝ Ոդիսևսի որդու դաստիարակն էր: Նրա կերպարով հաճախ արտահայտվում էր Աթենասը, իմաստության աստվածուհին: Այս չքնաղ այլաբանությունը եթե թարգմանենք, ապա մեր լեզվով կստացվի, որ մենթորը՝ աշխարհի իմաստությունը փոխանցողն է:

  1. Միանգամից մի սպասեք դրական արդյունքի:
  2. Սովորեք նրանցից, ովքեր շրջապատում են ձեզ:
  3. Եղեք իրատես:
  4. Լսեք և կիսվեք փորձով:
  5. Կարողացեք ընդունել քննադատությունը, բաց եղեք նոր ինֆորմացիայի առջև:

rubenvardanyan.info

Հրապարակման պատրաստեց Պողոս Վարժապետյանը