Տպել
Համավարակի պատճառով Թաիլանդը կկարողանա հինգ միլիոն օտարերկրյա զբոսաշրջիկների ընդունել 2021 թվականին, ինչը կրկնակի պակաս Է տասը միլիոն նախնական կանխատեսումից: Այդ մասին հաղորդել Է Bangkok Post-ը՝ վկայակոչելով երկրի զբոսաշրջության եւ սպորտի նախարարությանը:
«Եթե մենք կարողանանք այս տարի հինգ միլիոն զբոսաշրջիկների ներգրավել ներկա հանգամանքներում, դա հաջողություն կլինի»,-ասել Է գերատեսչության ղեկավար Պհիպհատ Ռատչակիտպրակառնը: Նրա խոսքով՝ տասը միլիոն զբոսաշրջիկ ունենալու համար անհրաժեշտ Է զգալի քանակությամբ պայմաններ կատարել ինչպես Թաիլանդում, այնպես Էլ այն երկրներում, որտեղից ժամանելու են զբոսաշրջիկները: Շեշտը դրվելու Է հարեւան երկրներից հանգստացողների վրա, ինչպիսիք են Չինաստանը, Հնկաստանը կամ Մալայզիան: Այս երեք պետություններից այցելուները կազմել են 39,8 միլիոն այն օտարերկրացիների 40 տոկոսը, որոնք Թաիլանդ Էին ժամանել 2019 թվականին:
Զբոսաշրջության եւ սպորտի նախարարությունը պլանավորում Է երկրի վարչապետի եւ առողջապահության նախարարության հետ քննարկումներ անցկացնել զբոսաշրջության աշխատողներին պատվաստման ծրագրի վաղ փուլերում ընդգրկելու հնարավորության շուրջ: «Զբոսաշրջության ինդուստրիայում զբաղված աշխատակիցները, վարորդները, ռեստորանների եւ սպա-կենտրոնների աշխատողները պետք Է լինեն պատվաստում ստացողների առաջին խմբերի թվում»,-ասել Է Պհինհատ Ռատչակիտպրակառնը: Նրա խոսքով, դա կապահովի ամեն օր արտասահմանցի զբոսաշրջիկների հետ շփվող անձանց պաշտպանությունը, հաղորդել Է ՌԻԱ Նովոստին:
