Տպել
Սրտաբան Յուլիա Մորոզովան SOLENKA.INFO-ին տված հարցազրույցում պարզաբանել է, թե ում են թռիչքներն արգելված կամ վտանգավոր առողջության համար։
Սրտաբանը նշել է, որ օրգանիզմի վրա պոտենցիալ վտանգավոր ազդեցություն են ունենում հետեւյալ գործոնները.
- Մի քանի ժամ քիչ շարժվելը մեծացնում է թրոմբոզի, արյան լճացման վտանգը եւ հանգեցնում է ստորին վերջույթների արյան շրջանառության այլ խանգարումների։
- Ճնշման անկումը թռիչքի եւ վայրէջքի ժամանակ հաճախ հրահրում է ականջներում լցվածության ի հայտ գալը։
- Ինքնաթիռի չափազանց չոր օդը կարող է հանգեցնել մաշկի եւ լորձաթաղանթների չորացման։
- Նվազեցված մթնոլորտային ճնշումը խաթարում է թթվածնի մատակարարումը եւ առաջացնում թթվածնային քաղց:
- Թռիչքի ժամանակ անհանգստությունն ու խուճապը հրահրում են սթրեսի հորմոնի արտազատում, բարձրացնում սրտի հաճախությունը եւ արյան ճնշումը։
Սրտաբանը զգուշացրել է, որ տոմս գնելուց առաջ պետք է համոզվել, որ ուղեւորին ինքնաթիռ նստելիս չեն մերժի։
Բացի այդ, չի թույլատրվում թռչել այնպիսի պաթոլոգիաներով ուղեւորների, ինչպիսիք օրինակ՝
- արյան շրջանառության խախտում;
- թոքաբորբ կամ բրոնխիալ ասթմա սուր փուլում;
- ինսուլտ կամ կաթված , որը տարել է մարդը 1-1,5 ամիս առաջ;
- թոքային հիպերթենզիա;
- վիրահատություն մինչեւ երեք շաբաթ առաջ:
Խորհուրդ է տրվում ծայրահեղ զգուշությամբ թռչել հետեւյալ հիվանդություններով մարդկանց.
- անեմիա;
- հիպերտոնիա;
- սրտի հիվանդություն;
- շնչառական համակարգի հիվանդություններ, որոնք ուղեկցվում են շնչահեղձությամբ;
- հոգեկան խանգարումներ եւ ֆոբիաներ;
- ներգանգային ճնշման բարձրացում;
- սինուսիտ, ներքին կամ միջին ականջի հիվանդություններ կամ վնասվածքներ։
Եթե անհնար է հրաժարվել թռիչքից, ապա Մորոզովան խորհուրդ է տալիս ուշադիր պատրաստվել․
- Նախքան ինքնաթիռ նստելը թթվածնային կոկտեյլ խմեք։
- Հանգստացնող դեղամիջոցներ ընդունեք։
- Ձեզ հետ վերցրեք անհրաժեշտ դեղամիջոցները, որոնք կարող են անհրաժեշտ լինել հիվանդության սրման դեպքում։
- Անոթների հետ կապված խնդիրների դեպքում հագեք կոմպրեսիոն գուլպաներ։
- Խմեք ավելի շատ հեղուկներ, բայց ոչ ալկոհոլային խմիչքներ:
- Կոնտակտային ոսպնյակները փոխարինեք ակնոցներով։
- Նախապես խորհրդակցեք ձեր բժշկի հետ:
- Առողջության վատթարացման դեպքում անհապաղ զգուշացրեք բորտուղեկցորդին։
