Տպել
Arabian Gulf University-ի (Բահրեյն) եւ York University-ի (Կանադա) վերջերս կատարած հետազոտությունը, որում օգտագործվել են տարբեր շտեմարանների տվյալները, պարզել է, որ նոմոֆոբիան կամ առանց բջջային հեռախոսի մնալու վախը խանգարում է, որը լրջությամբ համեմատելի է այլ վախերի հետ, ինչպիսին է վախը բարձրությունից կամ փակ տարածությունից։
MDPI պորտալի համաձայն՝ նոմոֆոբիայով տառապող մարդիկ ունենում են նույն ախտանշանները, ինչ եւ այլ ֆոբիաների ժամանակ, ներառյալ նյարդայնությունը, խիստ քրտնարտադրությունը, շնչառության դժվարությունը եւ խիստ հուզականությունը։ Սակայն մինչեւ ներկա պահը չի իրականացվել համակարգված ուսումնասիրություն կամ մետա-անալիզ՝ պարզելու համար այդ երեւույթի գլոբալ տարածվածությունը։
Հետազոտողները ուսումնասիրել են 20 գիտական աշխատանք՝ տասը երկրների 12 462 մասնակիցների ընդգրկմամբ, որպեսզի գնահատեն նոմոֆոբիայի տարածվածությունը։ Մետա-անալիզի արդյունքները ցույց են տվել, որ նոմոֆոբիայի չափավոր եւ մինչեւ ծանր աստիճան տեսակով տառապում է մեծահասակ բնակչության մոտ 70,76 տոկոսը։ Այն դեպքում, երբ ծանր նոմոֆոբիայով տառապում է ընդհանուր պոպուլյացիայի մոտ 20,81 տոկոսը։
Համալսարանների ուսանողները ամենախոցելի խումբն են, որտեղ 25,46 տոկոսն է տառապում ծանր նոմոֆոբիայով։ Հետաքրքիր է, որ տարիքը եւ սեռը, ըստ մետա-ռեգրեսիայի, ծանր նոմոֆոբիայի հաջող գործոն չի եղել։
Այս արդյունքները նշում են նոմոֆոբիայի զգալի տարածվածության մասին ժամանակակից հասարակությունում, հատկապես համալսարանների ուսանողների շրջանում, եւ ընդգծում են այդ երեւույթի հետագա ուսումնասիրման կարեւորությունը՝ բուժման եւ կանխարգելման արդյունավետ մեթոդներ գտնելու համար։
