Ճանապարհորդները նշել են աշխարհի ամենալավ և ամենավատ օդանավակայանները
Advertisement 1000 x 90

Ճանապարհորդները նշել են աշխարհի ամենալավ և ամենավատ օդանավակայանները

Ճանապարհորդներն աշխարհում լավագույնն են ճանաչել Ֆինլանդիայի Հելսինկի-Վանտաա օդանավակայանը: Այդ մասին գրել է Daily Mail թերթը:

Ֆինլանդիայի մայրաքաղաքի օդային նավահանգիստը գլխավորել է 10 դիրքից բաղկացած այն ցուցակը, որը eDreams միջազգային տուրիստական գործակալության փորձագետների կողմից կազմվել է ավելի քան 65 հազար ճանապարհորդների գնահատականների հիման վրա:

Երկրորդ տեղը բաժին է ընկել Գլազգոյի (Մեծ Բրիտանիա) միջազգային օդանավակայանին: Երրորդ դիրքում հայտնվել է շվեյցարական Ցյուրիխի օդային նավահանգիստը: Չորրորդ և հինգերորդ հորիզոնականներն զբաղեցրել են գերմանական տրանսպորտային հանգույցները: Խոսքը վերաբերում է Մյունխենի Ֆրանց-Յոզեֆ Շտրաուսի անվան օդանավակայանին և Մայնի Ֆրանկֆուրտի ավիահանգրվանին:

Տասնյակում նվազման կարգով նաև տեղ են գտել Ժնևի, Բանգկոկի (Սուվարնաբհումի), Թել Ավիվի (Բեն Գուրիոնի անվան օդային նավահանգիստ), Նորվեգիայի մայրաքաղաք Օսլոյի և Դուբլինի (Իռլանդիա) օդանավակայանները:

Բացի այդ, զբոսաշրջիկները նշել են աշխարհի ամենավատ օդանավակայանը: Այն գերմանական Բեռլին-Շյոնեֆելդն է: Հակավարկանիշի եռյակում տեղ են գտել Լոնդոնի Լութոն և Նյու Յորքի Լա-Գուարդիա օդանավակայանները:

Այս ցուցակները կազմվել են՝ հաշվի առնելով այնպիսի չափանիշներ, ինչպիսիք են՝ մաքրությունը, զննման գոտու աշխատանքի արդյունավետությունը, ռեստորանների ու խանութների առկայությունը օդանավակայաններում և այլն: