Տպել
Ճանապարհորդության մեկնողներից և ոչ մեկը չի ցանկանա կորցնել իր ուղեբեռը, սակայն նման դեպքեր հաճախ են պատահում հատկապես խոշոր օդանավակայաններում: 2007-ին, օրինակ, ԱՄՆ-ի խոշորագույն ավիաընկերությունները 7 ուղեբեռ են կորցրել` ամեն 1000 ուղևորի հաշվարկով:
Թեև գործողությունների մեծ մասը կարգավորում է հենց ավիաընկերությունը, այս խորհուրդները կօգնեն չկորցնել ուղեբեռը կամ իմանալ ինչ անել նման պարագայում:
1. Լուսանկարեք ուղեբեռը նախքան հանձնելը: Ուղեբեռի ուշանալու կամ անհետանալու պարագայում լուսանկարով հեշտ կլինի նկարագրել այն:
2. Գրեք Ձեր անունը ուղեբեռի ներսում: Շատերն իրենց նույնականացման կտրոնն ամրացնում են ճամպրուկի դրսի հատվածին, սակայն կտրոնը նման պարագայում կարող է ընկնել: Ավելի ճիշտ է ներսում թողնել ձեր տվյալները:
3. Հեռացրեք նախորդ ուղևորություններից մնացած կտրոնները: Դրանք հաճախ շփոթմունք են առաջացնում:
4. Ոչինչ մի հանձնեք, ինչը ձեզ պետք է գալու ժամանելուն պես: Նոթբուքը, դեղերը, բանալին, զարդեղենը պետք է մնան ձեռքի ուղեբեռում:
Ի՞նչ անել, երբ ճամպրուկն անհետացել է:
1. Անմիջապես տեղեկացրեք կորստի մասին: Երկարատև չվերթերից հետո, եթե այն չի բերվել, կարող եք չցանկանալ սպասել ուղեբեռը ստանալուն օդանավակայանում: Կամ եթե գործեր ունեք և պետք է շտապ մեկնեք, կարող եք կապ հաստատել ուղեբեռի համար պատասխանատու գործակալության հետ և պահանջել հետևել ուղեբեռի տեղ հասնելուն:
2. Որոշ դեպքերում ուղևորները հավելյալ գումար են վճարում ճամպրուկների համա, և դրանց ուշանալու կամ անհետանալու պարագայում կարող են ետ պահանջել գումարը:
3. Ավիաընկերության գրասենյակից կամ առցանց ավիատոմսեր ձեռք բերելուց անպայման ճշտեք ուղեբեռի ուշացման կամ կորստի դեպքում փոխհատուցման պայմանները:
