Տպել
Բժիշկները հայտնել են լավանդայի քիչ հայտնի բուժական հատկությունների մասին: Բույսը համարում են լավ հակասեպտիկ, այն ունի նաեւ հակաբորբոքային հատկություններ, հայտնում է «Ակտուալնիե նովոստին»:
Լավանդայի շնորհիվ կարելի է վերացնել սուր ցավը, ինչն ապահովվում է դրա մեջ պարունակվող պոլիսախարիդների հաշվին: Վերջիններն օգնում են ճնշել ցավի զգացողությունները, որոնք մոտ են արթրիտի ժամանակ առաջացողներին:
Բույսի շնորհիվ հնարավորություն կա նվազեցնելու ասթմայի դրսեւորումները, քանի որ այն ունի ալերգիկ բորբոքումներին դիմակայելու հատկություն:
Խորհուրդ է տրվում լավանդան օգտագործել պզուկները վերացնելու ցանկության դեպքում: Հակաբորբոքային արդյունքի հաշվին միջոցը նվազեցնում է ակնեի, էկզեմայի եւ մի շարք այլ մաշկային խնդիրների զարգացումը:
Լավանդային կարելի է ուշադրություն դարձնել արյան բարձր ճնշման դեպքում, որն այն նվազեցնում է: Երբեմն բույսը գրեթե նույնքան արդյունավետ կարող է լինել, որքան հիպերտոնիայի դեմ դեղերը:
