Տպել
Մանանեխն ունի ավելի քան 300 օգտակար հատկություն՝ ըստ սննդաբան Անդրեյ Զոլոտարեւի (Ռուսաստան)։
Նրա խոսքով՝ մանանեխի կծու սորտերն ունեն հակասեպտիկ եւ հակահելմինտիկ ազդեցություն։
«Գրեթե 3000 տարի այս ապրանքը եղել է մարդկանց սեղաններին: Առաջին պատճառը, թե ինչու է մանանեխը սկսել օգտագործել, նրա հակասեպտիկ եւ հակահելմինտիկ հատկություններն են: Եթե սննդակարգում կա կծու մանանեխ, ապա ձեր աղիքները պաշտպանված կլինեն տարբեր մակաբույծներից եւ բակտերիալ վարակներից»,-ասել է նա։
Մասնագետի խոսքով՝ մանանեխի քիչ կծու տեսակները բարելավում են մարսողական համակարգի աշխատանքը, մեծացնում ստամոքսահյութի արտադրությունը եւ օգնում օրգանիզմին ավելի արդյունավետ կերպով յուրացնել ծանր սնունդը:
Մասնագետի խոսքով՝ մանանեխը լայնացնում է նաեւ արյունատար անոթներն ու իջեցնում արյան ճնշումը։
Սակայն աղեստամոքսային տրակտի հիվանդություններ ունեցողներին խորհուրդ է տրվում ավելի զգույշ լինել մանանեխի նկատմամբ եւ չչարաշահել այն։
