«Փողի ծառի» բուժիչ հատկությունները

Ծաղկամանում, հողի մեջ աճող թանձրատերևուկը ժողովրդի մեջ հայտնի է՝ որպես փողի ծառ: Այն շատերիս պատուհանագոգերն է զարդարում: Որոշ մարդիկ հավատում են, որ այդ ծաղիկը հարստություն և առատություն է բերում տուն, կան մարդիկ էլ, որոնք այն օգտագործում են՝ որպես բուժիչ միջոց:

Թանձրատերևուկը շատ տարատեսակներ ունի, սակայն ամենատարածվածը, այսպես կոչված, փողի ծառն է:

Ուշադրություն

Թանձրատերևուկը մեծ քանակությամբ մկնդեղ է պարունակում: Այդ պատճառով էլ այդ բուսատեսակի հիման վրա պատրաստված դեղամիջոցները պետք չէ չարաշահել, հակառակ դեպքում գերդոզավորումը կարող է հանգեցնել սրտխառնուքի, փորլուծության, գիտակցության խանգարման:

Շուրթերի հերպես

Թանձրատերևուկի մի քանի թերթիկներից քամել հյութը և քսել շուրթերի ախտահարված մասերին յուրաքանչյուր 30 րոպեն մեկ: Կարելի է նաև բամբակը թրջել թանձրատերևուկի հյութի մեջ ու դնել ախտահարված մասի վրա, ֆիքսել լեյկոպլաստով:

Անգինա, տոնզիլիտ

Թանձրատերևուկի 10 թերթիկներից քամել հյութը, խառնել 200 մլ ջրի հետ: Կոկորդը ողողել օրը 3-5 անգամ:

Ստամոքսի և տասներկումատնյա աղու խոցային հիվանդություն

Առավոտյան` ուտելուց 1 ժամ առաջ, ուտել Թանձրատերևուկի 2 թերթիկ՝ մանրամասն ծամելով:

Պիելոնեֆրիտ, ցիստիտ

Թանձրատերևուկի 5 թերթիկ մանրացնել, վրան լցնել 200 մլ տաք ջուր, 1 ժամ թրմել, քամել: Ստացված խառնուրդից ուտելուց 15 րոպե առաջ խմել 1 ճաշի գդալ, օրը 3 անգամ:

Արթրիտ, արթրոզ

Քամել Թանձրատերևուկի 10-15 թերթիկի հյութը, քսել ախտահարված անոթներին քնելուց առաջ:

Հեմորոյ

Թանձրատերևուկի կտրտած տերևը դնել համապատասխան տեղին: Օգնում է միանգամից:

Այրվածքներ, քերծվածքներ, վերքեր, կտրվածքներ

Թանձրատերևուկի թերթիկներն աղալ, պատրաստված շիլան դնել վնասված հատվածի վրա ու բինտով կապել: Հենց չորանա, վիրակապը փոխել 2-3 ժամը մեկ:

Բացի վերոնշյալից, որոշ տվյալներով՝ թանձրատերևուկը մաքրում է օդը վնասակար միկրոբներից և բակտերիաներից, իսկ որոշ հավատալիքներ էլ ասում են, որ այն հարստություն ու հաջողություն է բերում տուն:

Նյութը հրապարակման պատրաստեց Սոֆա Պետրոսյանը