Սխտոր և նարինջ.  բնական միջոց, որը կօգնի ազատվել երակների վարիկոզ լայնացումից

Երակների վարիկոզ լայնացումը բավական տարածված խնդիր է, որը ոչ մի դեպքում չի կարելի անուշադրության մատնել: Steptohealth.ru-ի հաղորդմամբ՝ սա արյան շրջանառության խանգարման առաջին նշաններից է, որը հետագայում կարող է հանգեցնել ավելի լուրջ խնդիրների: Կայքը ներկայացրել է սխտորից և նարնջից պատրաստվող բնական միջոց, որը կարող է հրաշալի հավելում դառնալ բուժմանը: Դրա պարբերական օգտագործումը թույլ կտա լավացնել արյան շրջանառությունը խնդրահարույց հատվածում, ազատվել ոտքերում ծանրության զգացումից, որը կապված է հեղուկի կուտակման հետ:

Ինչու է սխտորն օգտակար երակների վարիկոզ լայնացման դեպքում: Սխտորը կարևոր սննդարար նյութեր է պարունակում, որոնք կարող են օգտակար լինել մի շարք խնդիրների դեպքում:

• Սխտորը միացություններ է պարունակում, որոնք հակաբորբոքային, հակաօքսիդանտ ազդեցություն ունեն, ինչի շնորհիվ նպաստում են սիրտ-անոթային համակարգի առողջությանը:
• Սխտորն օգնում է լայնացնել անոթները:
• Ակտիվացնում է արյան շրջանառությունը, խոչընդոտում տրոմբների, վարիկոզի և այլ խնդիրների առաջացմանը, որոնք կապված են բորբոքային պրոցեսների հետ:
• Սխտորը կարող է օգնել թեթևացնել ոտքերում ծանրության զգացումը, թմրածությունը, որոնք հաճախ են ուղեկցում արյան շրջանառության խանգարմանը:

Ինչու է նարինջն օգտակար երակների վարիկոզ լայնացման դեպքում:

• Նարնջի համադրությունը սխտորի հետ օգնում է վերականգնել արյան շրջանառությունը:
• Այս ցիտրուսային միրգն օգնում է ազատվել ոտքերում ծանրության զգացումից, հանգստացնել ցավը, ազատվել թմրածությունից. նշաններ, որոնք ուղեկցում են երակների վարիկոզ լայնացմանը:
• Նարինջն օգնում է պայքարել նաև հեղուկի կուտակման դեմ:

Բաղադրիչներ

• 3 նարինջ
• 5 պճեղ սխտոր
• 2 ճաշի գդալ ձիթապտղի յուղ՝ 32 գրամ:

Ինչպես պատրաստել

• Նարնջի հյութը քամեք, լցրեք ապակե տարայի մեջ:
• Սխտորը մաքրեք, մանրացրեք, ստացեք պաստա: Ավելացրեք նարնջի հյութը:
• Ձիթապտղի յուղն ավելացնելուց հետո փայտե գդալով խառնեք բոլոր բաղադրիչները:
• Տարան փակեք, թողեք թրմվի 10-12 ժամ:

Ինչպես օգտագործել

• Պատրաստված միջոցը քսեք մաշկի այն հատվածներին, որտեղ երակները լայնացել են:
• Մերսեք 5-8 րոպե, որպեսզի սննդարար միկրոէլեմենտները ներծծվեն մաշկի մեջ:
• Պոլիէթիլենով փաթաթեք այդ հատվածը:
• 40 րոպե անց լվացեք:
• Կրկնեք շաբաթվա ընթացքում 3 անգամ՝ քնելուց առաջ:

Նյութը հրապարակման պատրաստեց 168.am-ը