Տպել
Ձեռքերը կանանց այցեքարտն են. Կոկո Շանելի այս միտքը միշտ է արդիական։ Խնամված եղունգներ ունենալը մեր օրերում բոլորին է հասանելի. եթե տարիներ առաջ եղունգների խնամքն իրականացվում էր բացառապես գեղեցկության սրահներում, ապա վերջին տարիներին Երևանում սկսեցին բացվել մի շարք հատուկ մասնագիտացված սրահներ, որտեղ այցելուներին մատուցվում է բացառապես ձեռքերի եւ ոտքերի խնամքի ծառայություն։
Կենտրոնի մյուս առավելությունների, մանիկյուրի նորաձև միտումների մասին Wnews.am-ը զրուցել է Nail Club կենտրոնի հիմնադիր Լուսինե Կարապետյանի հետ։
–Լուսինե, արդեն 17 տարի է՝ մատնահարդաման ոլորտում եք, ինչպե՞ս սկսեցիք հետաքրքրվել մատնահարդարմամբ, ի՞նչն է Ձեզ գրավում մասնագիտության մեջ։
-Մատնահարդարման հանդեպ սերը սկսել է դպրոցական տարիքից։ Սկզբում այն որպես հոբբի էի ընդունում, հետո դարձավ երկրորդ մասնագիտություն (Լուսինե Կարապետյանն ավարտել է ԵՊՀ-ի ռոմանոգերմանական բանասիրության ֆակուլտետը. Wnews.am)։ Առաջին մասնագիտությունս ինձ շատ է օգնում կարիերայի հարցում, որովհետև առանց անգլերենի իմացության չէի կարող մասնակցել մի շարք միջազգային վերապատրաստումների, սեմինարների, դասավանդել արտերկրում։Մասնագիտությանս մեջ ինձ շատ է գրավում առաջ գնալու հնարավորությունը, նորարարությունները։
17 տարի առաջ որոշեցի սովորել մանիկյուր, այդ ժամանակ Հայաստանում շատ քիչ մասնագետներ կային, ուստի դա իրականացրի ռուսաստանյան դպրոցում, որովհետև այնտեղ առ այսօր ամենաբարձրակարգ մասնագետներն են և տալիս են ամենաբարձրակարգ որակավորումը։ Ուսումս տևեց երեք տարի։
-17 տարի առաջ մատնահարդարումը բոլորովին այլ հարթության վրա էր, այսօր՝ այլ։ Ինչպե՞ս է որոշվում՝ ինչն է նորաձև, ովքե՞ր են դա թելադրում։
-Դա թելադրում են եվրոպական երկրները, նորաձևության տները։ Օրինակ՝ Gucci-ն նախորդ տարի նորաձևություն բերեց բզեզը և այսօր շատերը ցանկանում են մատին ունենալ բզեզի պատկեր՝ դա կլինի քարերով, թե նկարված։ Ամեն դեպքում, տեխնոլոգների հետ շփումը բերել է նրան, որ այս ամենը հնարելու համար աշխատում են ինստիտուտներ և փորձում են մեր աշխատանքը շարժի մեջ դնել։ Եթե շարունակենք նորաձևության թեման, ապա այս տարի նորաձև է մինիմալիզմը։
Ամբողջությամբ՝ wnews.am
