Տպել
Ավոկադոն սննդարար նյութեր է պարունակում, որոնք անհրաժեշտ են առողջության համար: Fithacker.ru-ն ներկայացրել է ավոկադոյի յուղ օգտագործելու 10 պատճառ:
Իջեցնում է զարկերակային ճնշումը: Ավոկադոյի յուղը հագեցած ճարպեր է պարունակում, որոնք կարող են օգնել կարգավորել զարկերակային ճնշումը:
Կանխարգելում է լնդերի հիվանդությունները: Ավոկադոն կարող է կանխարգելել լնդերի բորբոքային հիվանդությունները, որոնց բնորոշ են արյունահոսությունը, բերանից տհաճ հոտի առկայությունը:
Թեթևացնում է արթրիտի ախտանշանները: Արթրիտն ուղեկցվում է հոդերի այտուցմամբ և ցավով: Ավոկադոյի յուղը կարող է օգտագործվել՝ որպես հավելում հակաբորբոքային միջոցներին:
Լավացնում է մաշկի որակը, նպաստում վերքերի ապաքինմանը: Ավոկադոյի յուղը մեծ քանակով ճարպաթթուներ է պարունակում, որոնք օգտակար են մաշկի համար: Այն օգնում է վերքերի ապաքինմանը:
Օգնում է իջեցնել արյան մեջ շաքարի մակարդակը, լավացնել սրտի առողջությունը: Թե ավոկադոյի, թե ձիթապտղի յուղերն օգնում են իջեցնել արյան մեջ խոլեստերինի մակարդակը, ինչը դրական ազդեցություն է ունենում սրտի առողջության վրա:
Օգնում է սննդարար նյութերի յուրացմանը: Ավոկադոյի յուղն օգնում է հակաօքսիդանտների և կարոտինոիդների, լյուտեինի յուրացմանը. նյութեր, որոնք անհրաժեշտ են առողջության համար:
Դետոքսիկացիա: Ավոկադոյի յուղը կարող է օգնել օրգանիզմից դուրս բերել վտանգավոր մետաղները:
Լավացնում է ուղեղի աշխատանքը: Ավոկադոն հարուստ է E վիտամիններով, օմեգա-3 ճարպաթթուներով: Այս ճարպաթթուներն օգնում են լավացնել արյան շրջանառությունը:
Նպաստում է սրտի առողջության պահպանմանը: Որոշ հետազոտություններ պնդում են, որ ավոկադոյի յուղ օգտագործող մարդկանց շրջանում սիրտ-անոթային հիվանդությունների զարգացման հավանականությունն ավելի փոքր է: Ավոկադոյի յուղը հարուստ է E վիտամինով, կալիումով, ֆոլաթթվով:
Պահպանում է աչքերի առողջությունը: Ավոկադոյի յուղն օգտակար է աչքերի առողջությանը: Այն լյուտեին է պարունակում՝ հակաօքսիդանտ, որն օգնում է պահպանել տեսողությունը:
Նյութը հրապարակման պատրաստեց 168.am-ը
