Մթերք, որը կօգնի մաքրել անոթները

Սխալ սնվող մարդիկ հաճախ են տառապում ճարպակալմամբ, հիպերտոնիայով, արյան մեջ խոլեստերինի մակարդակի բարձրացմամբ: Steptohealth.ru-ն ներկայացրել է մթերք, որը կօգնի մաքրել արյունատար անոթները:

Ավոկադո: Ավոկադոն հարուստ է ճարպաթթուներով, որոնք հնարավորություն են տալիս խուսափել անոթներում ճարպերի կուտակումից: Բացի այդ՝ այն հնարավորություն է տալիս նվազեցնել խոլեստերինի մակարդակը:

Պեկտին պարունակող միրգ: Խոլեստերինի դեմ պայքարում օգտակար են ելակը, խնձորը, թուրինջը, խաղողը: Սրանք հարուստ են պեկտինով՝ մանրաթելերի տեսակ, որը նվազեցնում է «վատ» խոլեստերինի մակարդակը: Այս մրգերը կօգնեն երկար ժամանակ հագեցածության զգացում ունենալ:

Ծնեբեկ: Այս բանջարեղենը բազմաթիվ օգտակար հատկություններ ունի: Այն նպաստում է անոթների մաքրմանն ու արյան մեջ «վատ» խոլեստերինի մակարդակի նվազեցմանը, թրոմբների առաջացման կանխարգելմանը:

Սոյա: Սոյայի օգտագործումը կարող է օգնել նվազեցնել արյան մեջ խոլեստերինի մակարդակը:

Բրոկոլի: Բրոկոլին մեծ քանակով K վիտամին է պարունակում, որն օգնում է յուրացնել կալցիումը: Բացի այդ՝ բրոկոլին օրգանիզմը հագեցնում է բջջանյութով, որն անհրաժեշտ է նյութափոխանակության համակարգի նորմալ աշխատանքի և մի շարք այլ գործառույթների համար:

Ձուկ: Ձուկն օգտակար է, քանի որ օրգանիզմն ապահովում է օմեգա-3 ճարպաթթուներով: Դրանք անհրաժեշտ են անոթների մաքրման համար, խոչընդոտում են թրոմբների առաջացմանը, օգնում կարգավորել զարկերակային ճնշումը:

Սմբուկ: Այս բանջարեղենը մաքրում է անոթները, նվազեցնում խոլեստերինի մակարդակը: Սմբուկը մանրաթելեր է պարունակում, որոնք առողջ սննդակարգի անբաժանելի մասը պետք է լինեն:

Քրքում: Այս համեմունքը բազմաթիվ օգտակար հատկություններ ունի: Այն օգտակար է բորբոքային խնդիրների դեպքում, օգնում է պայքարել անոթներում ճարպերի կուտակման դեմ: Նվազեցնում է թրոմբների առաջացման հավանականությունը:

Նյութը հրապարակման պատրաստեց 168.am-ը