Տպել
1770-ականների սկզբին շվեյցարացի ժամագործ Պյեռ Ժակե-Դրոն (Pierre Jaquet-Droz) նախագծեց իր ժամանակի համար աննախադեպ մի բան: Վարպետը ծրագրավորված ռոբոտ ստեղծեց` փոքրիկ տղա-գրողի տեսքով, որն ունակ էր փետուրե գրիչով գրել մինչև 40 նիշ բառեր ու նախադասություններ: Ժամագործն իր ստեղծագործությունն անվանեց «Կոլիգրաֆ»:
Պյեռ Ժակե-Դրոյի «գրող տղան»
Սարքի արտաքին տեսքը բավականին պարզ է. փոքրիկ բոբիկ տղան` նստած փայտե սեղանի դիմաց, բռնել է գրիչ: Նրան շատ հեշտ կարելի է շփոթել տիկնիկի հետ: Բայց ներսում թաքնված է ինժեներական մտքի իսկական հրաշք: 6000 շարժվող մասերը ներդաշնակորեն աշխատում են` գործողության դնելով գրող մեխանիզմը:
«Կոլիգրաֆ»-ը ոչ միայն բառեր է մուտքագրում, այլև գրելու ընթացքում շարժում է գլուխն ու աչքերը, թանաքամանի մեջ է մտցնում փետուրե գրիչը, այն թափ է տալիս, որպեսզի չլղոզվի թանաքը: Իսկ շարժվող աչքերը թույլ են տալիս նրան նայել գրվող տեքստին:
Կան կարծիքներ, որ «գրող տղան» համակարգչի առաջին նախատիպն է աշխարհում, քանի որ առաջին ծրագրավորված մեքենան է:
Տես նաև՝
Պատրաստեց` Ռազմիկ Մարտիրոսյանը
