Տպել
Ըմպելիք, որը կօգնի օրգանիզմը հագեցնել սննդարար նյութերով, մաքրել այն և ազատվել ավելորդ կիլոգրամներից:
Budetezdorovy.ru-ն առաջարկում է համադրել մի քանի միրգ, բանջարեղեն ու չիայի սերմեր: Կայքի հաղորդմամբ՝ ըմպելիքը պայքարում է փորկապության, հեղուկի կուտակման դեմ, օգնում է ազատվել այտուցներից: Պատրաստումը ձեզանից ընդամենը մի քանի րոպե կխլի:
Բաղադրիչներ
- 1 բաժակ մանր կտրատած սեխ
- կես բաժակ մանր կտրատած վարունգ
- 2 ճյուղ նեխուր կամ մաղադանոս
- 1 ճաշի գդալ կիտրոնի հյութ
- 1 բաժակ ջուր
- 1 ճաշի գդալ չիայի սերմեր
- մեղր՝ ըստ ցանկության:
Ինչպես պատրաստել
Չիայի սերմերը թրջեք ջրում՝ նվազագույնը թողնելով 30 րոպե:
Բլենդերում խառնեք սեխը, նեխուրն ու վարունգը, կիտրոնի հյութը: Ավելացրեք չիայի սերմերը:
Խառնեք այնքան, մինչև միասեռ զանգված ստանաք:
Խորհուրդ է տրվում ըմպելիքն օգտագործել պատրաստելուց անմիջապես հետո, մինչև նախաճաշը կամ նախաճաշի փոխարեն:
Պարբերական օգտագործումը կարող է օգնել այտուցների, որովայնի փքվածության, ավելորդ քաշի դեպքում:
Նյութը հրապարակման պատրաստեց 168.am-ը
