Տպել
Mirkrasoty.life-ը գրում է, որ կայենյան պղպեղի բաղադրության մեջ մտնում են այնպիսի տարրեր, ինչպիսիք են երկաթը, մագնիումը, մանգանը, E, A, C. B6, K վիտամինները։
Կայենյան պղպեղ օգտագործելու 15 լուրջ պատճառ։ Այս բնական միջոցն օգտագործվում է օրգանիզմը մաքրելու, արյան շրջանառությունը խթանելու, թթվայնությունը չեզոքացնելու համար։ Այն օգտագործվում է մի շարք վիճակների դեպքում, ինչպիսիք են՝ այրոց, տրեմոր, հոդատապ, մետեորիզմ, ցավ կոկորդում, թութք, սրտխառնոց, տոնզիլիտ և այլն։
Հակաբորբոքային հատկություններ։ Կայենյան պղպեղը հակաբորբոքային հատկություններ ունի, ինչի շնորհիվ կարող է օգտագործվել որովայնի գրգռվածության, ստամոքսի խոցի, անգինայի, չոր հազի, դիարեայի դեպքում։
Գրիպ և մրսածություն։ Կայենյան պղպեղն օգնում է լորձը դուրս բերել քթից։
Հակասնկային հատկություններ։ Հետազոտություններից մեկի արդյունքների համաձայն՝ կայենյան պղպեղը կարող է օգնել կանխարգելել սնկային պաթոգենների առաջացումը։
Միգրենի կանխարգելում։ Որոշ հետազոտողների պնդումների համաձայն՝ կայենյան պղպեղը կարող է օգնել կանխարգելել միգրենի առաջացումը։
Հակաալերգիկ հատկություններ։ Այս մթերքը երբեմն օգտագործվում է սեզոնային ալերգիայի և այլ ալերգիկ ռեակցիաների դեպքերում։
Նյութափոխանակության լավացում։ Կայենյան պղպեղը խթանում է նյութափոխանակությունը՝ նպաստելով ֆերմենտների ու ստամոքսահյութի արտադրությանը։ Կայենյան պղպեղն օգտագործվում է նաև գազերի և որովայնի փքվածության դեպքում։
Թքազատման լավացում։ Կայենյան պղպեղը խթանում է թքի արտադրությունը, ինչը նյութափոխանակության լավացման և բերանի խոռոչի առողջության պահպանման կարևորագույն գործոն է։
Սիրտ-անոթային համակարգի հիվանդություններ։ Կայենյան պղպեղն օգնում է կանխարգելել գործոնները, որոնք հանգեցնում են թրոմբների առաջացման, ինչը կարող օգնել նվազեցնել սրտամկանի ինֆարկտի և կաթվածի առաջացման հավանականությունը։
Օրգանիզմի դետոքսիկացիա։ Կայենյան պղպեղը խթանում է արյան շրջանառությունը։ Արդյունքում՝ կարող է լավանալ նյութափոխանակությունը։ Քանի որ կայենյան պղպեղը տաքացնում է, օրգանիզմի բնական դետոքսիկացիայի գործընթացը կարգավորվում է։ Մեղրի, կիտրոնի հյութի հետ համադրելու դեպքում կայենյան պղպեղով թեյն առավոտյան հրաշալի ըմպելիք է, որը նպաստում է օրգանիզմից տոքսինների դուրսբերմանը։
Հանգստացնում է հոդացավերը։ Կայենյան պղպեղը հաջողությամբ պայքարում է հոդացավերի դեմ։
Հակաբակտերիալ հատկություններ։ Կայենյան պղպեղը սովորաբար օգտագործվում է սննդամթերքում բակտերիաների զարգացումը կանխելու նպատակով։
Մարմնի քաշի նվազում։ Ըստ հետազոտությունների՝ նախաճաշին կայենյան պղպեղ օգտագործող մարդկանց ախորժակի նվազում է նկատվում, ինչի հետևանքով նրանք օրվա ընթացքում ավելի քիչ կալորիաներ են օգտագործում։ Բացի այդ՝ կայենյան պղպեղն օրգանիզմին օգնում է այրել ավելի մեծ քանակով ճարպեր։
Խոլեստերին և զարկերակային ճնշում։ Կայենյան պղպեղի օգտագործումը թույլ կտա կարգավորել զարկերակային ճնշումը։ Բացի այդ՝ այն նպաստում է արյան մեջ խոլեստերինի մակարդակի հավասարակշռմանը, ինչը դրական ազդեցություն է ունենում սիրտ-անոթային համակարգի առողջության վրա։
Հանգստացնում է ատամի ցավը։ Կայենյան պղպեղն օգտագործվում է նաև որպես բնական միջոց՝ ատամի ցավը հանգստացնելու համար և լնդերի հիվանդությունների դեպքում։
Արտաքին օգտագործման միջոց։ Կայենյան պղեպեղն օգտագործվում է օձի խայթոցի, ռևմատիզմի, մաշկային խոցերի, վնասվածքների դեպքում։
Նյութը հրապարակման պատրաստեց 168.am-ը
